VOV4.K’ho - Tàm srơh làng bol lơh broa\ sa pơr lòng bơtàu tơngguh lơh sa, ka\ bro jak tàm càr Ninh Thuận, neh geh ua\ ngan làng bol lơh broa\ sa khin sơnơng, khin lơh, tơryang tơryồng, bơceh pa brồ guh lơh pas tàm ù tiah [òn lơgar tờm. Bi Châu Văn Năng, kòn cau Prum, ơm tàm ntum An Hải, kơnhoàl Ninh Phước, car Ninh Thuận la dùl na\ cau pơnrơ jak  mờ pria\ geh rlau 400 tơlak pria\ pah nam. Neh neh pơn yờ sa\ ngan geh mpồl cau lơh broa\ sa dà lơgar Việt Nam pà sra\ jờng rơ bè cồng nha do.

            Git go\ geh ờ gơtùi lơh pas mờ lơh kòi sre, tàm tu\ bơta pràn ù tiah bơh hìu nha\ gam ờ hềt ngui jơh geh cồng nha, nam 2012, bi Châu Văn Năng la cau bơh sơnrờp tàm ntum An Hải neh khin cha bơcri tus rhiang tơlik pria\ nàng ngui công nghệ tuh dà tềm pềr tàm lơh sa tam phan ờ ua\ chi tam bè:Kơrôt, bùm sơbê, han brồng…Tu\ do, mờ 2 lồ mơ gùl ù tiah lơh broa\ sa tam phan sa geh ngui broa\ lơh tuh dà tềm pềr neh cèng geh wơl bi in broa\ lơh sa pria\ jền mơr 200 tơlak pria\ pah nam. Bi Chân Văn Năng, ntum An Hải,  kơnhoàl Ninh Phước, càr Ninh Thuận, ai git:“Bơh sơnrờp, he ai pràn mờ sa\ nàng lơh, blơi rpu, kơnrồ he lơh geh. Tơnơ\ do tàm nđờ nam tơnơ\ he lơh geh ơpah tai. Tơngai tơnơ\ do geh bơta gơguh jak, geh rơndeh lơ òr tơl a` hơ\ sồng ơpah tai sre tus tu\ do hơ\ sồng brồ guh”.

            Ờ mìng la cau lơh broa\ sa pơnrơ ngan tàm lơh sa brồ guh lơh pas dipal ai tus hìu nha\, bi Châu Văn Năng gam nhap nhar tus bal broa\ lơh mpồl bơtìan, rcang tam pà bơta mờng, dong kờl tus ala\ hìu nha\ kal ke brồ guh tàm rài kis. Tu\ do, hìu nha\ bi gam ai geh broa\ lơh tus 20 na\ cau lơh broa\ mờ khà pria\ geh bơh 2 tơlak tus 2 tơlak 500 rbô dùl na\ cau dùl nhai. Bi gam dong tơl tus ua\ hìu nha\ rbah in jồm sơntìl,  sơnơm tu, phơng tuh bơcri tàm lơh sa. Hìu nha\ lo\ Kiều Thị Thảo kis bal tàm ntum, lài do la hìu nha\ rbah, geh bi Châu Văn Năng ai jồm pria\ mờ geh pơlam lơh sa, tu\ do neh brồ guh lik klàs rbah. Lo\ Thảo đơs:“Pria\ hơ\ bi Năng ai jồm nàng blơi kơnrồ ròng, dong lơm gơ dê, ờ sa cồng, sơntìl kung ai khà hơ\, ờ sa cồng, phơng kung ờ sa cồng. Tu\ do bi Năng kung gam dong, dong pah ngai bè phơng, kơnrồ…bơta lơi kung dong lơm. Bi Năng ờ dong kờl den ờ sang sơbì jơgloh geh ờ”.

            Tus tu\ do, bi Châu Văn Năng neh lơh geh sa\ tờm in dùl phan bơna lơh geh bơta kơp kờ` ngan tus mờ làng bol tàm tiah do. Mờ 8 lồ ù, bi lơh 4 lồ kòi sre, 2 lồ bi tam phan sa, ba\ ù gam wơl bi tam chi tam jo\ sơnam bal mờ 2 nơm rơndeh lơ òr geh lơh hìu ma\y  kòi neh cèng geh hìu nha\ bi geh rlau 400 tơlak pria\ pah nam. Bơta chờ ngan  la, geh ua\ ngan làng bol tàm [òn Tuấn Tú neh bơsram, geh ngui lơh jat broa\ lơh bi dê nàng brồ guh lơh pas tàm ù tiah bràs kò. Ồng Lộ Trung Tài atbồ mpồl cau lơh broa\ sa [òn  Tuấn Tú, ntum An Hài đơs:“Bi Năng lơh broa\ lơh broa\ sa  do ua\ ngan tàm [òn Tuấn Tú, dùl la broa\ lơh tuh dà tềm pềr, 2 la bi Năng git tam gơl sơng ka sền gàr, tam pơdar tam chi bè dơ\ do tam han, dơ\ tơnơ\ tam khoah phồng, tam blơn sut,  mre\, hơ\ sồng bi Năng sùm tam pơdar. Bi Năng la cau lơh broa\ sa jak, trơyang tơryồng den tàng làng bol tàm do bơsram bơh tềng bi Năng la ua\  ngan”.

            Mờ bơta lơh ngan ờ git bòl glar bơh bi Châu Văn Năng neh geh Mpồl cau lơh broa\ sa dà lơgar Việt Nam jàu sra\ jờng bè cồng nha “Cau  lơh broa\ sa ka\ bro jak, tam klac dong bal sang sơbì jơgloh tơmù rbah mờ dong bal lơh pas di pal”. Anih duh broa\ làng bol càr Ninh Thuận  pà sra\ jờng cau pơnrơ gơguh jak bè lơh sa ka\ bro jak nam 2014.

                                                          Cau mblàng K’ Brọp.