VOV4.K’ho-Bulah pa bơtàu tơnguh pràn tàm pơgăp 5 nam rê hờ do, mơya tờm plai màk neh lơh geh priă tăc mờ lơgar ndai mờr 100 tơlak dolar Mỹ mờ gam sùm gơguh tai. Mơya, tu\ do, gah lơh gơlik phan do gam pal kong mờ uă bơta lòng nàng gơtùi bơtàu tơnguh kơ\ kơl jăp. Bơta do geh cribơyai tàm Pơrjum Dong kờl bơtàu tơnguh lơh gơlik plai màk kơ\ kơl jăp geh Bộ Nông nghiệp mờ Phát triển Nông thôn bơyai lơh tàm [òn dờng Pleiku, càr Gia Lai tàm ală ngai bồ nhai 7 do.

Tu\ do, tờm plai màk gam geh tam tàm 36 càr mờ [òn dờng tàm gùt lơgar. Nam 2019, kờp jơh bă ù tam tờm plai màk bơh gùt lơgar dê là pơgăp 10 rbô 500 lồ, plai lơh geh kờp du\ geh rlau 222 rbô tấn, mờ chi sa plai ơm dơ\ 17 bè bă ù tam mờ khà phan lơh geh. Tàm hơ\, Tây Nguyên mờ bàr pe càr tàm tiah đah tô tàm gùl lơgar geh bă ù tam mờ cồng nha lơh geh dờng ngan rlau jơh. Gia Lai, Sơn La, Dăk Nông, Lâm Đồng, Dăk Lăk là 5 càr geh bă ù tam tờm plai màk dờng ngan rlau jơh gùt lơgar tu\ do.

Priă lơh geh bơh tăc plai màk mờ lơgar ndai kung gam sùm pơn jăt tai gơguh mhar ngan, bơh 19 tơlak 500 rbô dolar Mỹ tàm nam 2015 neh gơguh tus 66 tơlak dolar Mỹ tàm nam 2019. Bơta pràn uă, drà kă bro mờ lơgar ndai rề ơnàng, mơya tu\ do, plai màk là gah lơh gơlik phan gam pal kong mờ uă bơta lòng tài bơh rề ơnàng bă ù tam uă is. Bộ Nông nghiệp mờ Phát triển Nông thôn ờ hềt geh broă bơto pơlam tam, broă bơto pơlam rcăng sơndră tu kòp lơh aniai ai tờm plai màk in. Uă ngan bă ù geh tam tàm lơgar geh blơi sơntìl bơh Đài Loan, gam gơtìp bơtờp ală bơta virus, kòp lơh aniai. Lơh bal lơh sa đah cau lơh broă sa mờ mpồl lơh sa kă bro neh bơh sơnrờp geh crơng gơs, mơya ờ hềt kơ\ kơl jăp.

Tờm plai màk gam cèng wơl priă jền bơh tăc mờ lơgar ndai uă ngan, sùm gơguh tai

Ồng Lưu Trung Nghĩa, Kuang ătbồ Sở Nông nghiệp mờ Phát triển Nông thôn càr Gia Lai đơs là, nàng tờm plai màk gơ gơs là gah lơh gơlik phan tăc mờ lơgar ndai kơ\ kơl jăp jo\ jòng, ală tiah pal bơsong geh ală broă tơnơ\ do: Gia Lai sền là tờm chi tam tờm. Bol a` gam dan mờ Ủy ban Nhân dân càr ai bơ\t bơtàu anih pơlam ù tiah lơh gơlik ai bơta phan plai màk Gia Lai in. Dilah bơtàu tơnguh kơ\ kơl jăp den plai màk Gia Lai gơtùi ala măt ai plai màk Việt Nam in. Mơya, bơta tàm do là pal geh rơndăp ù tiah loh làng, nàng bơtàu tơnguh kơ\ kơl jăp, geh bơta lơh bal bơh mpồl lơh sa kă bro mờ làng bol dê, jơh ală gah geh kuơ bal; dơ\ 2 là geh sơntìl tơl khà ai tơl tiah in; dơ\ 3 là geh broă bơto pơlam tơl khà nàng lơh gơlik jăt tơl khà mờ dunia cih dờp.

Dùl nùs bal mờ jơnau đơs do, ồng Nguyễn Mạnh Hùng Chủ tịch Hội đồng Quản trị mơkung là Kuang ătbồ dờng Công ty Cổ phần Nafoods Group, do là dùl tàm ală mpồl tăc plai màk mờ lơgar ndai dờng ngan rlau jơh gùt lơgar, đơs là: tu\ do ală bơta phan lơh gơlik bơh plai màl mìng drơng drà kă bro mờ lơgar ndai in lơm. Nàng plai màk ờ gơlòt jăt bơta ờ geh cồng nha bơh bàr pe bơta phan lơh geh bơh sươn sre ndai, lơh geh bơta niam phan bơna là jơnau dờng màng ngan rlau jơh. Ồng Nguyễn Mạnh Hùng đơs sùm bè do: Mìng kờ` pal geh bàr pe hìu măy bè Đồng Giao, Nafoods blơi mờ ờ gròi sền geh bơta niam, mờ phan lơi hơ\ tìp jơnau bè bơta niam, den măt kă bro plai màk roh 10 nam bơ\t bơtàu geh roh thi\t te\. Hơ\ là dùl jơnau tơngkah lài pràn ngan dilah bol he ờ sền gròi broă bơta niam, den bol he geh gơtìp kal ke tàm drà kă bro dờng ngan rlau jơh là châu Âu.

Jăt Cục Sền gàr phan tam yal, digơlan tơngai bơh nam 2025-2030, bă ù tam tờm plai màk bơh gùt lơgar dê geh lơh geh bơh 12 tus 15 rbô lồ, plai màk lơh geh pah nam bơh 200 tus 400 rbô tấn. Plai màk geh gơ gơs là dùl bơta phan lơh geh bơh sươn sre tăc mờ lơgar ndai gơ cèng wơl priă jền uă. Ồng Lê Quốc Doanh, Thứ trưởng Bộ Nông nghiệp mờ Phát triển Nông thôn pà gi\t, Bộ Nông nghiệp mờ Phát triển Nông thôn hơ lòt bal mờ ală tiah, ală mpồl lơh sa kă bro mờ cau lơh broă sa tam tờm plai màk nàng bơtàu tơnguh niam mờ kơ\ kơl jăp gơ wèt mờ phan lơh geh bơh sươn sre do.

Jơh ală anih pơrjum

Tềng đăp măt, Bộ geh sồr ală anih lơh broă gơ wèt bal geh broă pơlam tam, broă pơlam rcăng sơndră tu kòp lơh aniai mơkung sồr ală viện lơh pràn kơlôi sơnơng ală sơntìl plai màk tơl khà ờ tàm bơrlu\, sơndră mờ tu kòp mờ ai cồng nha uă. Ồng Lê Quốc Doanh, đơs sùm, tờm plai màk gam bơtàu tơnguh gơ jă gơ ir mơya kờ` pal kơ\ kơl jăp jo\ jòng. Ồng đơs tai: Plai màk pa bơtàu tơnguh tàm bàr pe nam rềp ndo. Mìng tơnơ\ 5 nam, bă ù tam tờm plai màk gơguh 7 dơ\, ngan là priă geh bơh tăc mờ lơgar ndai gơguh mhar ngan. Tus nam 2019, bol he tăc mờ lơgar ndai geh mờr 100 tơlak dolar Mỹ. Bộ geh bal mờ [òn lơgar geh rơndăp broă lơh bơtàu tơnguh bal rơndăp broă lơh tờm chi sa plai ai Tây Nguyên in. Tàm hơ\, kờp sền, bă ù tam, tam uă halà ờ uă mờ geh tu\ tơngai nàng lơh. Ờ go\ di tài bơtàu tơnguh gơ jă gơ jal ir mờ ờ go\ kơ\ kơl jăp, bol he pal bơtàu tơnguh lơyaì mơya kơ\ kơl jăp.

Cau cih Nguyễn Thảo- Cau mblàng Lơ Mu K’Yến