VOV4.K’ho – Tàm 2 xã Ea Pil mờ Cư Prao bơh kơnhòal M’Drak, càr Dak Lak dê, ua\ hìu bơnhă lơh broă sa neh khin cha tam gơl bă ù tam ală bơta chi tam lơh ngai nàng tam tờm jràng sơntìl Hưng Yên. Bơh sơn rờp, chi tam geh ntrờ` tam bơh tiah đah tô dà lơgar neh ai cồng nha niam ngan, 2, 3 hìu bơnhă lơh broă sa lơh geh pria\ tơmàn pah nam.

Kung bè git nđờ hìu bơnhă làng bol tàm ù tiah r[ah thôn 3, xã Ea Pil, kơnhòal M’Drak, tàm ua\ nam do, ồng Phạm Đình Thướng mìng mờng mờ tờm bùm blàng, tàu, đậu bắp. Gùt nam lơh broă glar bòl ờ git lơh, mơya tus tu\ jơh kàl tơnhàu den hìu bơnhă jơh pria\. Git loh bơta siơ\u siar sùm gơbàn, nam 2014, ồng neh lơh nền tam gơl jơh 3 lồ ù lơh sa hìu bơnhă dê nàng tam tờm jràng Hưng Yên, tơnơ\ tu\ lòt sền ờ ua\ suơn chi tàm kơnhòal mờ bơdìh kơnhòal. Jơh làm gùt suơn jràng geh crap ma\i [ồm dà dùl bă tiah [ồm is, nàng dong tờm chi hòn gơs niam jơh bal tàm kàl prang duh krơi is ngan bơh tiah do dê. Tơnơ\ tu\ tă 230 tơlak đông nàng lơh bal mờ dà kơl hề bơh 3 nam bơt bơtàu kuơmàng, jràng Hưng Yên tàm ù bràs klàr, ro kơnra` M’Drak neh ai cồng nha ua\ rlau mờ bơta kơp kờ`: “Dùl lồ jràng tàm do a` tam pơgap 620 tờm. Tơl tờm bè kàl do tơnhàu geh pơgap 30 ki\, bè hơ\ kờp jơh 1 lồ den tơnhàu geh pơgap rlau 20 tấn. Dilah 20 tấn do mờ tac mờ khà pria\ bơh 25 tus 30 rbô đông tàm dùl ki\ den kung tac geh pơgap 500 tơlak đông”.

Hìu bơnhă ồng Đỗ Văn Đức, ơm tàm thôn 4, xã Ea Pil, kơnhòal M’Drak kung là hìu bơnhă lơh broă sa brồ guh lơh pas bơh broă tam tờm jràng. Ồng Đức pà git, 4 nam lài, ồng mìng tam tơr lòng lài 2, 3 jơt tờm jràng. Tu\ sền go\ tờm chi gơs niam, gơ kờ` mờ ù tiah tàm tiah do den ồng neh khin cha tă pria\ nàng tam gơl jơh 3 lồ ù tam tàu nàng tam 2 rbô tờm jràng. Tus tu\ do, suơn jràng neh ai tơnhàu sùm: “Tam tờm jràng tàm ù bơrlu\ bràs den gơ kờ` ngan, tờm chi kờ` dà [ồm mơya ờ ua\, bulah bè hơ\ pal crap ma\i [ồm dà hòr ntờc nàng gàr tơl khà sùh iò ai tờm chi in dờng pràn, lì bơkàu, tơt plai niam. Dilah tàm nam 2017 – 2018, ală bơta chi tam ndai mìng tơnhàu geh 2, 3 jơt tơlak đông tàm dùl lồ den tờm jràng tơnhàu geh pơgap 500 tơlak đông pah nam. Đơs bal là cồng nha lơh geh bơh tờm jràng dê tu\ do pal jơnhua rlau bơh 9 tus 10 dơ\ pơn drờm mờ ală bơta chi tam lơh ngai ndai tàm dùl bă ù”.

Jat Phòng Nông nghiệp mờ Phát triển Nông thôn kơnhòal M’Drak yal, jơh gùt kơnhòal tu\ do geh pơgap 1 rbô 100 lồ chi sa plai, geh plai jràng, sầu riêng, bơ, kruac, quê\t mờ gơ àl. Tàm hơ\, tờm jràng geh khà ua\ ngan rlau jơh bal mờ pơgap 350 lồ, tơr gùm ua\ ngan tàm 2 xã Ea Pil mờ Cư Prao.

Ồng Nguyễn Thế Thập, Kuang atbồ Phòng Nông nghiệp mờ Phát triển Nông thôn kơnhòal M’Drak pà git, tơnơ\ 5 nam lam lơh, bơh sơn rờp tờm jràng neh ai go\ cồng nha ua\ rlau mờ ală bơta chi tam ndai. Nàng tam tờm jràng kơ\ kơljap, Phòng neh mờ gam dong kờl làng bol lơh broă sa 2 xã Ea Pil mờ Cư Prao crơng gơs hợp tác xã tam jràng kloh niam jat tơl khà VietGAP mờ neh geh 30 hìu bơnhă tus bal: “Nàng tam tờm jràng kơ\ kơljap ai làng bol tàm [òn lơgar in, bol hi neh crơng gơs mpồl lơh bal mờ hợp tác xã nàng dong kờl. Bol hi dong kờl mờ broă pơlam khi blơi ală sơntìl ờ bơrlu\ tơl khà, sơngka sền gàr jat tơl khà VietGAP. Mờ tu\ geh phan lơh gơlik bè neh pơrgon, bol hi jòi ală mpồl lơh sa kă bro blơi plai chi geh bơngă pin dờn nàng ki\ sră pơrgon blơi, dong kờl anih blơi phan kơ\ kơljap làng bol in”.

Tàm tơngai mờ khà pria\ ală bơta phan lơh gơs bơh suơn sre tàm Dak Lak bè: kau su, kơphe, tiêu, tàu gam gơmù lơyah mờ ờ kơ\ kơljap, den bơta bơtàu tơnguh li la bơh ală bơta chi sa plai tàm càr gam ai go\ ală bơta niam. Broă gah lơh sa suơn sre mờ gơnoar atbồ tàm [òn lơgar gam jơh nùs dong kờl cau lơh broă sa tam phan jat ròt bơta kuơ lơh geh, kung gam dong gah tam chi sa plai tàm càr hời rơ hời ring niam, dipal mờ tơl bă tiah tam phan mờ jơnau kờ` bơh drà kă bro dê, dong broă lơh sa geh kơ\ kơljap mờ tơnguh cồng nha lơh sa.

Cau mblàng K’Duẩn