Kơnhoàl Dà Huoai, càr Lâm Đồng lơh ngan tàm nam do, geh 2 ntum lơh geh tơl khà bè bơt bơtàu bòn lơgar pa la Dà Oai mờ Hà Lâm. Bal mờ hơ\, ala\ ntum ndai lơh ngan nàng lơh geh ala\ khà tơl bơt bơtàu bòn lơgar pa. Kơnhoàl dờp, gơ wèt mờ Dà Huoai, dùl tàm ala\ bơta kuơ màng tàm broa\ bơt bơtàu bòn lơgar pa la lam sồr bơta pràn ta\ pơ gồp tàm làng bol mờ bơt bơtàu, rề ơnàng ala\ broa\ lơh sa.

            Lài jơh, cồng nha mpờl go\ ngan tàm Dà Huoai, càr Lâm Đồng tàm rlau 3 nam bơt bơtàu bòn lơgar pa hơ\ la broa\ lơh phan bơna bòn lơgar jat broa\ lơh làng bol lơh phan  bơna mờ Dà lơgar dong kờl phan lơh tờm. Tus tu\ do, dùl tàm ala\ broa\ lơh geh ai go\ cih dờp ngan tàm Dà Huoai la kơnhoàl neh bơyai lơh lơh geh mờr 13 kơi sồ gùng lòt tàm bòn mờ kờp pria\ gơguh tus rlau 12 tơmàn pria\, tàm hơ\, làng bol ta\ pơ gồp rlau 4 tơmàn 200 tơlak pria\, 25 rbô 600 thơt vuông ù mờ rlau 12.600 ngai lơh broa\. Bal mờ hơ\,  Dà Huoai kung neh lơh geh dùl hìu chài rgơi ntum mờ 18 hìu chài rgơi bòn kờp jơh pria\ lơh geh tus mờr 10 tơmàn pria\, tàm hơ\ làng bol ta\ pơ gồp rlau 5 tơmàn pria\. Bal mờ hơ\ tai, mờ 2 broa\ lơh bơtơt rbòng dà Dà Kòn Boss, ntum Dà Ploa mờ tơnau Dà Dak, ntum Phước Lộc mờ kờp khà pria\ geh rlau 105 tơmàn pria\, làng bol tàm do neh ai is ù mờ chi tam  nàng lơh rbòng dà mờ ba\ ù tus 12.800 thơt vuông la  ala\ bơta mờ cồng nha neh lơh geh tàm broa\ lơh bơt bơtàu bòn lơgar pa tàm ala\ nam pơnjat tai.

            Anih duh broa\ làng bol kơnhoàl Dà Huoai đơs: Mut lơh broa\ lơh “Làng bol lơh broa\ lơh, Dà lơgar dong kờl phan lơh tờm, tu\ mut lơh, làng bol geh ai git la cau tờm nàng geh cri bơyai bal, mut lơh is, sền gròi is mờ at bồ is” lơh geh broa\ tơrgùm jơh ala\ bơta pràn mờ lơh bal bơh ala\ broa\ lơh kờ` bơt bơtàu  phan bơna bòn lơgar gơ gơs la srơh broa\ lơh dờng màng tơr gùm geh bơh ua\ gah, ua\ bơta, lơh geh jơnau ring bal, dùl nùs bal, ring bal jơnhua ngan tàm mpồl bơtìan làng bol, pơ gồp bơtàu tơngguh git wa\,  jơnau git wa\ bơh tàm làng bol tàm broa\ sac rwah broa\ mut lơh, bơyai mut lơh,  bơyai sền gròi mờ bơyai at bồ, ngui broa\ lơh tu\ lơh gơs…”.

            Tàm bơt bơtàu bòn lơgar pa tàm Dà Huoai, bal mờ bơta pràn bơh làng bol, den broa\ lơh lam lài kung geh sền la broa\ kuơ màng ngan ngàng  cèng geh broa\ lơh geh cồng nha. Bơta sền gròi ngan tàm bơt bơtàu bòn lơgar pa tàm Dà Huoai la broa\ mut lơh broa\ tam gơl chi điều mờ lơh niam wơl chi tam sa plai mờ kơnhoàl neh ai tơlik lài hơ\ mờ broa\ bơt bơtàu bòn lơgar pa. Jat khà sồ jơnau yal bơh anih lơh broa\ geh gơnoar, bơh nam 2010 tus tu\ do, kơnhoàl neh lơh geh broa\ tam gơl mờ lơh niam  geh 2.600 lồ chi tam ala\ bơta, tàm hơ\ geh 650 lồ tờm plai sầu riêng, 228 lồ tờm plai măng cụt, 1 rbô lồ cao su, 464 lồ tờm ca cao, 178 lồ  chi keo sơntìl pa mờ 22 lồ plai chôm chôm.

            Bơta kuơ màng la kơnhoàl neh  gơ mòn gơs geh ua\ ngan broa\ lơh chi tam cèng wơl cồng nha lơh sa jơnhua bè broa\ lơh tam sều riêng bơkiar plai bơkah. Broa\ lơh do geh mut lơh ua\ ngan  tàm ala\ ntum mờ  bòn drà đạ tô mờ ala\ tiah geh tơl pràn geh dà tuh tàm ala\ ntum đah jum bơh kơnhoàl. Bơh bar, pe nam mut lơh broa\ lơh sơng ka sền gàr sầu riêng bơkiar tàm ala\ ntum Dà Ploa, Hà Lâm, Dà Oai, kơnhoàl Dà Huoai neh tơr gùm kờp geh khà pria\ geh pah nam bơh broa\ lơh do gơguh tus bơh 250-420 tơlak pria\ tàm dùl lồ. Tus tu\ do, tàm Dà Huoai neh geh ua\ ngan cau lơh sa tam sầu riêng bơkiar geh cồng nha jơnhua bè hìu nha\ ồng Lê Văn Hải kis tàm bòn 2, ntum Dà Ploa, cồng  tus 413 tơlak pria\ dùl nam dùl lồ, hìu ồng Lương Văn Đoàn, ntum Dà Mri, Vương Văn Phú, Nguyễn Xuân Diệp ntum Hà Lâm, Nguyễn Văn Oanh ntum Dà Oai, Mai Văn Dược ntum Phước Lộc… geh pria\ geh bơh plai sầu riêng bơh 300 tus 420 tơlak pria\ dùl lồ dùl nam.

            Tàm broa\ bơt bơtàu bòn lơgar pa, Dà Huoai kung neh sền kuơ bơt bơtàu geh ờ ua\ broa\ lơh ndai bè broa\ lơh tam ce bơrlu\ bal mờ mbur chi dờng jo\ sơnam, broa\ lợh ròng tu ruồi brài, broa\ lơh tam cao su sươn dềt…Anih duh broa\ làng bol kơnhoàl  Dà Huoai ai git: Nàng kơryan nhơt gơbàn, tơmù gơbàn dà cò ù tàm ala\ tiah geh ù tiah kơh, gơya gơ tùi geh dà tuh tàm nhai prang, bal mờ ala\ chi tam geh tam bơrlu\ bal mờ chi tam ndai,  ce neh geh làng bol ai tàm bơrlu\ mờ mbur chi jo\ sơnam mờ neh cèng geh cồng nha niam. Lài hơ\,  bè hìu K’ Brơt kis tàm ntum Phước Lộc, Phạm Hà tàm ntum Dà Mri, Trần  Đình Phước tàm bòn drà Dà Mri…geh pria\ kờp bal bơh 40-50 tơlak pria\ dùl nam dùl lồ bơh ce tam bơrlu\. Mờ cao su sươn dềt, ua\ hìu nha\ geh pria\ geh di 100 tơlak pria\ dùl lồ, dùl nam bè ala\ hìu Mai Văn Cường, Đinh Thị Nhân, Trương Thông, Nguyễn Văn Hiệp, Huỳnh Đức Hồng…kis tàm ntum Đoàn Kết.

            Nam 2014, kơnhoàl Dà Huoai lơh ngan geh 2 ntum bơh sơnrờp neh lơh gơs broa\ jàu la bơt bơtàu bòn lơgar pa la Dà Oai mờ Hà Lâm, bal mờ hơ\ geh 3 ntum la Madagui, Dà Tồn mờ Dà Mri lơh geh12-14 broa\ jàu lơh, mờ 3 ntum gam wơl la Dà Ploa, Đoàn Kết mờ Phước Lộc lơh geh bơh 7-9 broa\ jàu bòn lơgar pa. Mờ ala\ bơta mờng broa\ lơh neh cèng geh cồng nha bơh broa\ lơh do, kơnhoàl Dà Huoai gam lơh geh broa\ lơh, tus nam 2018, Dà Huoai lơh geh tơl khà bòn lơgar pa.