VOV4.K’ho – Sền go\ là dùl tàm 3 gah broă lơh tam gơl pa bơtàu tơnguh lơh sa – mpồl bơtìan nam 2019 dê, tàm tơngai lài, kơnhòal Kon Braih, càr Kon Tum neh ai lài ală bơta pràn nàng bơtàu tơnguh lơh sa suơn sre ngui công nghệ cao, tam tờm chi lơh sơnơm gơ jat bal mờ lơh bal ròt bơta kuơ lơh geh mờ bơtàu tơnguh mat kă bro tàm kơnhòal Kon Braih, bơh sơn rờp neh lơh gơlik tềl tơnggo\ niam.

Nàng lơh jat jơnau kờ` lơh gơlik tam gơl pa tàm bơtàu tơnguh lơh sa suơn sre ngui công nghệ cao, tam tờm chi lơh sơnơm gơ jat bal mờ lơh bal ròt bơta kuơ lơh geh mờ bơtàu tơnguh mat kă bro, ồng Võ Văn Luơng, Chủ tịch UBND kơnhòal Kon Braih, càr Kon Tum pà git, UBND neh pơlam lơh jat mùl màl tơl tơngume, tơl gah broă lơh jàu tơl phòng, mpồl lơh broă ờs mờng in đơng lam, pơ gồp bal mờ ală mpồl lơh broă, ală tiah geh gơ rềng lam lơh jat.

Jat hơ\, tàm bơtàu tơnguh lơh sa suơn sre ngui công nghệ cao, kơnhòal sền gròi tus broă lam lơh jat bơh broă lơh bal đah mpồl lơh sa kă bro mờ làng bol lơh sa. Mùl go\ bè broă lơh bal đah Kong ti TNHH Biophap mờ hìu bơnhă cau lơh broă sa suơn sre hữu cơ jat tơl khà dunia mờ ală bơta chi tam bè kruac cara, kruac sành, plai bung kơmhồ tơlir, chanh ờ geh gar, ca, rơmit, tiêu, bơ, mẵng cầu, pơ ù, tờm chi lơh sơnơm huơng thảo…

Halà bè broă lơh bal đah hìu ma\i lơh [òk bùm blàng kơnhòal Kon Braih (Kong ti cổ phần Fococev Tây Nguyên) mờ cau lơh broă sa, tam mờr 100 lồ bùm blàng tàm [làng sre lồ dờng tàm thôn 11, xã Đăk Ruồng, 50 lồ bùm blàng [làng sre lồ dờng thôn Đăk Pô Kông, thôn Đăk Puich, xã Đăk Tờ Re nàng tac bùm blàng ai hìu ma\i in. Tàm xã Đăk Ruồng, hìu ma\i lơh sơdàng Kon Tum lơh bal mờ tàm jàu kỹ thuật ai cau lơh broă sa in tam sơntìl tàu pa KK3, Sunpha buri 7. Bal mờ hơ\, hìu ma\i gam ki\ sră pơrgon blơi tàu cau lơh broă sa in.

Tàm xã Đăk Tờ Lùng, gah Nông nghiệp mờ Phát triển Nông thôn càr pơgồp bal mờ gơnoar atbồ tàm [òn lơgar dong kờl, tàm jàu kỹ thuật ai cau lơh broă sa in tam 5 lồ kơphe robusta; 1 lồ 2 tam prìt ròng bơkiar mô, 15 lồ prìt ju sah jat ròt broă lơh bal; ai ală sơntìl bùm blàng pa KM 140, KM 419, KM 98-5, kòi sơntìl pa nhị ưu 838 mờ kòi đài thơm tám.. nàng pơgồp bơnah tơnguh cồng nha lơh geh, tơnguh pria\ lơh geh cau lơh broă sa in.

Tàm broă ròng phan, tiah tờm ka sơntìl mờ phan siam phan tàm dà Tá Tiến lơh bal mờ Hợp tác xã broă drơng ala lơh sa suơn sre tơlir ròng ka tàm hìu gu\ ( geh 6 hìu gu\, 33 rbô nơm ka) tàm tơnau dơng dà bơ tơt rbòng dà Kon Bo Del, xã Đăk Ruồng. Broă lơh sa jat gùng dà broă lơh ngui công nghệ cao gơ jat bal mờ blơi phan lơh gơs ai ală cau tàm Hợp tác xã in.

Bè broă bơtàu tơnguh tờm chi lơh sơnơm, Kong ti cổ phần KoRa Group, Hợp tác xã phan lơh gơs bơh suơn sre mờ tờm chi lơh sơnơm kloh niam Kon Tum lơh suơn ờng tờm sơntìl đảng sâm tàm thôn 3, xã Tân Lập nàng tac tờm sơntìl cau lơh broă sa tàm tiah do in. Bal mờ hơ\, gơnoar atbồ tàm [òn lơgar gam lam lơh ală broă lơh sền gàr tờm chi mật nhân hơđơm m[ur brê tàm tiểu khu 553, 554, thôn 6, thôn 12, xã Đăk Tờ Re; lơh mờ tam tơr lòng lài tờm đuơng quy tàm thôn Kon Lỗ, xã Đăk Tờ Lùng…

Broă lơh sa suơn sre ngui công nghệ cao, tam tờm chi lơh sơnơm gơ jat bal mờ lơh bal ròt bơta kuơ lơh geh mờ bơtàu tơnguh mat kă bro tàm kơnhòal Kon Braih gam lơh gơlik ală gùng lòt pa cau lơh broă sa in. Nàng sền sơ wì cồng nha lơh sa bơh ală broă lơh pa do, sồr pal geh tai tu\ tơngai, mơya mờ ală broă mờ gơnoar atbồ tàm [òn lơgar bal mờ cau lơh broă sa gam bơt bơtàu ală broă lơh, lơh gơlik bơta tam gơl pa ai lơh sa suơn sre công nghệ cao tàm dùl tiah gam ua\ kal ke bơh càr Kon Tum dê in.

Cau mblàng K’Duẩn