VOV4. K’ho - Lơh jăt broă bơ\t bơtàu [òn lơgar pa tàm càr Dak Nông, tơngai do, gah bơto pơlam broă lơh sa suơn sre càr do neh lơh jăt uă broă dong kờl làng bol tam gơl, tơnguh rài kis, pơgồp bal kuơ màng tàm broă tam gơl broă lơh sa suơn sre, [òn lơgar. Tàm  jơnau do, geh jơnau bè broă lơh ngan bơh gah bơto pơlam broă lơh sa suơn sre càr Dak Nông pơgồp bal tàm broă bơ\t bơtàu [òn lơgar pa.

            Hìu nha\ bi K’ Kia kis tàm [òn 5, ntum Dak Som, kơnhoàl Dak Glong, càr Dak Nông tu\ do geh phan bơna lơh sa kơljap. Bơta tam gơl hơ\. Geh sơnđờm bơh tu\ bi geh tus bal  bơsram tàm ơdu\ bơto pơlam bè tam chi,  ròng phan bơh Anih bơto pơlam broa\ lơh sa phan tàm dà kơnhoàl Dak Glong bơyai lơh.

            Bi K’ Kia ai git: “Hìu a` geh 2 lồ kơphe, tu\ lài ờ hềt geh cau kuang  chài geh pơlam broa\ sơng ka sền gàr, hìu nha\ mìng tơnhàu geh 2  tấn 7. Tơnơ\ geh tus bal  lòt bơsram ala\ ơdu\ bơto pơlam broa\ lơh sa, a` neh khin cha geh ngui mo tàm suơn kơphe den tàng cồng nha geh gơguh jat nam. Nam do, hìu nha\ a` neh gơs la hìu nha\ tơnhàu geh 7 tấn”.

            Geh bơh kơphe neh dong tus hìu nha\ bi K’ Kia ờ mìng lik klàs rbah mờ gam brồ guh gơs dùl hìu nha\ lơh sa kơljap.

            Drờm bè hơ\, hìu nha\ ồng Phạm Trọng Tuấn kis tàm  ntum Dak Drô, Krông Nô, càr Dak Nông, lài do gơtìp ua\ ngan kal ke tài bơta geh ngui bơta jak chài pa gam ờ hềt hoan git ngan, mơya geh Anih bơto pơlam broa\ lơh sa  phan tàm dà kơnhoàl Krông Nô dong tơl bơta tus bal bơsram bơta tam jàu bơta jak chài pa bè tam chi, ròng phan den tàng tus tu\ do,  neh gơtùi geh lơh is bơtàu tơngguh lơh broa\ sa tàm ba\ ù kơphe di 2 lồ 5, 4 sào tìu mờ git nđờ jơt nơm kơnrồ, sur, iar, ơda. Kơnờm tơryang tàm broa\ lơh sa mờ git ngui geh cồng nha ala\ bơta jak chài pa tàm lơh sa den tàng  cồng nha tơnhàu geh bơh sươn mir hìu nha\ ồng Tuấn niam, cèng geh pria\ jền jơnhua.

            Bơh ua\ nam do, nàng dong làng bol cau lơh broa\ sa bơtàu tơngguh cồng nha lơh sa, Anih bơto pơlam broa\ lơh sa phan tàm dà kơnhoàl Krông Nô neh lơh ngan tàm broa\ lơh lơh geh ala\ bơta broa\ lơh lơh sa, ròng phan cèng wơl cồng nha lơh sa jơnhua, di pal mờ bơta trồ tiah, ù tiah bơh [òn lơgar mờ bơyai lơh ua\ ngan broa\ lơh bơto pơlam, cri bơyai nàng cau lơh sa sa\ tờm tus sền broa\ lơh, bơh hơ\ pleh ala\ bơta tìs tu\ geh ngui tàm bơta mùl màl tàm  kiul bo\ lo\ sre.Tàm hơ\, dùl tàm ala\ broa\ lơh lơh geh cồng nha jơnhua lơh sa jơnhua  tàm lơh sa mờ ala\ sơntìl kòi niam bè RVT, Kim ưu 725, VT-NA2, ĐT-34, ala\ sơntìl tơngời pa NK 7328.

            Kàl lơh sa nam 2014, mpồl kung neh mut lơh broa\ lơh sơng ka sền gàr kòi sơntìl pa Kim ưu 725 tàm ntum Nam Đà mờ broa\ lơh dờng tus git nđờ jơt lồ. Bơh tu\ mut lơh broa\ lơh, ala\ cau kuang chài neh sa bal, ơm bal mờ cau lơh den tàng kòi sre bơtàu tơngguh niam, ờ hoan gơbàn kòp,  tơnhàu geh 7 tấn 8 tạ 3, tàm dùl lồ.

            Ồng Nguyễn Văn Phước kis tàm [òn Nam Trung, ntum Dak Drô ai git:” Lài do, hìu nha\ a`  kung geh sih tam ua\ ngan  sơntìl kòi ndai mơya cồng  nha tơnhàu ua\ ngan kung mìng geh 6 tus 6 tấn mơ gùl tàm dùl lồ. Kàl kòi nhai duh hàm  pa do, a` geh sih tam 2 sào kòi mờ sơntìl Kim ưu 725 bơh Anih  tờm bơto pơlam broa\ lơh sa phan tàm dà kơnhoàl Krông Nô geh pơlam den cồng nha geh ờ hềt tu\ lơi  drờm. A` go\ geh dùl bơta la,  kềng bal sơntìl kòi niam,  sơndra\ tu sa aniai den broa\ geh ngui ala\ bơta lơh ù, tuh phơng, sền gàr…sre kòi pa hơ\ sồng lơh geh cồng nha  jơnhua geh.

            Jat ồng Nguyễn Quang Tuấn gơnoar atbồ Anih tờm bơto pơlam broa\ lơh sa phan tàm dà càr Dak Nông den nam 2014, mpồl neh geh lơh bal mờ ala\ anih bơto pơlam broa\ lơh sa, phan tàm dà ala\ kơnhoàl, [òn drà, geh bơyai lơh  123 ơdu\ bơto pơlam, mờ 4.200 na\ cau tus bơsram.

            Bơh  broa\ lơh bơto bơsram, mpồl cau  bơto pơlam  broa\ lơh sa  ala\ kơna\ neh bơtàu tơngguh  bơta pràn broa\ lơh, làng bol git geh ua\ bơta pa, pơ gồp bal lơh tam gơl sơnơng tàm lơh broa\ lơh sa tàm [òn lơgar. Mpồl gam lơh ngan  cau tàm mpồl  cau kuang geh bơta chài jak tàm mut lơh ala\ broa\ tam biap ngan ờ do ờ da\,  broa\ lơh tam chi jo\ nam bè mắc ca, kơphe, broa\ lơh ròng phan, phan tàm dà kung bè bơtàu tơngguh broa\ lơh bơh mpồl cau bơto bơtê cau lơh broa\ sa [òn lơgar lơh broa\ niam mờ ờ do ờ da\.

            Tàm tơngai tus,  nàng broa\ lơh bơto pơlam broa\ lơh sa slơ ngai slơ geh cồng nha, la  bơta dong tus cau lơh sa tàm  dơ\ bơt bơtàu [òn lơgar pa, anih tờm bơto pơlam broa\ lơh sa phan tàm dà càr Dak Nông geh tơlik ua\ ngan broa\ lơh nền nòn. Tàm  hơ\ geh lơh ngan  tơngguh broa\ lơh bơto pơlam broa\ lơh sa, lơh mhar broa\ sền sơnơng, geh ngui ala\ bơta jak chai pa tàm lơh sa  công nghệ cao ai tus mờ tơl chi tam phan ròng jat gùng niam mờ geh cồng nha tàm broa\ lơh bơto bơtê broa\ lơh sa tàm [òn, ntum, [òn drà.

                                                                  }au mblàng K’ Brọp