Bơt bơtàu bòn lơgar pa la tàm dùl broa\ lơh dờng bơh Gơnoar atbồ lơgar dê, kờ` mut lơh gùng dà, broa\ lơh bơh Đảng, Dà lơgar dê bè broa\ tam gơl pa broa lơh sa sươn sre, bòn lơgar mờ cèng wơl bơta kuơ ngan ngồn bơh làng bol kis tàm bòn lơgar. Mơya, tài do la broa\ kờ` pal geh bơta  lơh bal bơh gùt mpồl bơtìan, ngan la làng bol, la cau dờp kuơ tơn bơh broa\ lơh, den tàng ala\ tiah neh pal geh broa\ lơh bơceh pa, nhap nhar nàng lam sồr ua\ rlau jơh ala\ bơta pràn bơh làng bol dê. Sơnđờm bơh bơta git wa\ hơ\,  kơnhoàl Dà Huoai, càr Lâm Đồng neh geh broa\ lơh pa, bơceh niam, den tàng neh lơh geh ala\ cồng nha niam. Jơnau  ngai do geh yal  bè broa\ lơh pa, geh cồng nha tàm srơh bơt bơtàu bòn lơgar pa tàm kơnhoàl Dà Huoai.

            Jòi git wa\ tàm bơta mùl màl tàm kơnhoàl ai go\, kung bè ua\ kơnhoàl ndai, tu\ mut lơh broa\ lơh bơt bơtàu bòn lơgar pa, Dà Huoai kung geh ala\ broa\ lơh ndrờm bal bè hơ\, hơ\ la, crơng gơs mpồl đơng lam at bồ ala\ kơna\, geh mblàng pơlam, lam sồr  mờ geh lơh ngan lơh geh alaơ khà broa\ lơh pal jat bơh dà lơgar dê geh ai bè bơt bơtàu bòn lơgar pa. Bulah bè hơ\,  tàm lam sôr mờ bơyai mut lơh, Dà Huoai neh geh ala\ broa\ lơh pa di pal mờ bơta mùl màl bơh kơnhoàl dê, nền nòn: Tàm lam sồr, kơnhoàl Dà Huoai geh broa\ lơh bal mờ bơt bơtàu bòn lơgar pa mờ broa\ lơh dơ\ lam sồr bơsram mờ lơh jat ơnà jak Bác Hồ dê, mờ mut lơh jat bal kơrnuat dà lơgar 4 kơna\ XI. Cau kuang, cau geh Đảng, ngan la cau kuang, cau geh Đảng at bồ ala\ anih lơh broa\, mpồl, bòn lơgar pal lam lài tàm broa\ lơh bơt bơtàu bòn lơgar pa, mơ kung lơh geh, tus sền, sền gròi mờ lơh ua\ ala\ broa\ lơh gơguh jak tàm tơl ala\ broa\ lơh. Gơtùi yal geh ala\ broa\ lơh geh cồng nha ngan bè: Lơh gùng lòt tàm bòn lơgar jat broa\ lơh làng bol lơh gùng, dà lơgar dong phan lơh gơs, ngai rlô tơlir mờ ala\ gùng lòt tơlir, gùng lòt ờ geh sìô sia\, cau ùr trơgùm khòm sìô sia\, ròng sur ù dong cau ùr rbah, mpồl ơruh pơnu lơh broa\ lam lài lơh gùng lòt tàm bòn, mpồl ơruh pơnu lơh sa ai geh 100 tơlak pria\ tàm dùl lồ, mpồl cau lơh sa tam sầu riêng 200 tơlak pria\ tàm dùl lồ, mờ ua\ ngan broa\ lơh ndai. Ai bơh mờ bơta mùl màl ngan, làng bol la cau geh dờp bơta kuơ tơn bơh broa\ lơh bơt bơtàu bòn lơgar pa den tàng mpồl đơng lam Đảng kơnhoàl Dà Huoai neh geh broa\ lơh: “Tu\ bơyai lơh bơcri bơt bơtàu lơh geh ala\ khà sồr lơh bè bòn lơgar pa, ring bal bơh ala\ dơ\ pơrjum làng bol tàm bòn, làng bol khi geh bơyai is, ring bal rwah lơh ala\ phan lơi gơ cèng geh bơta kuơ ngan ngồn ngan, mùl màl ngan khi in mờ ai cau geh sền gròi bơcri lơh, bơh hơ\, lơh mhar broa\ lơh, bơtàu tơngguh cồng nha broa\ lơh, sơndra\ hoàc hươr tàm bơcri. Đơs jat gùng ndai la, tu\ geh lơh ala\ broa\ lơh tàm bòn lơgar, mpồl đơng lam Đảng, gơnoar at bồ pal mut lơh niam jat gùng: Làng bol git,  làng bol cri bơyai, làng bol lơh mờ làng bol sền.

            Tài bơh geh bơta krơi is la ua\ ngan làng bol tàm kơnhoàl drờm la lơh broa\ lơh broa\ sa lơm, khà rài kis gam lơyah…den tàng kơnhoàl geh broa\ lơh tu\ lơh ala\ phan bơna gùng dà, mpồl bơtìan geh lơh bal bè bơto bơsram, lơh sơnơm, chài rgơi…bal mờ ai geh bơh khà pria\ bơcri bơh pria\ dà lơgar mờ gam lam sồr ala\ mpồl lơh sa ka\ bro tàm kơnhoàl, kơnhoàl geh trơ gùm pràn bơh làng bol mờ broa\ lơh: Ala\ hìu nha\ geh rài kis di mơ mờ tơl ngui sa geh ta\ pria\ jền, ai ala\ hìu nha\ kal ke, rbah, ala\ hìu nha\ drờm bè cau rbah geh ai pràn mờ ngai lơh broa\. Mờ broa\ lơh bè do,  tàm ala\ nam do,  Dà Huoai neh tơr gùm geh git nđờ jơt tơmàn pria\ bơh tàm mpồl làng bol nàng lơh geh ala\ phan bơna ngui tàm bòn lơgar bè: Ồs đèng, gùng lòt, hìu bơsram,  hìu sơnơm ntum, ngan la gùng lòt tàm bòn lơgar. Mờ broa\ lơh “ làng bol lơh gơs, dà lơgar dong kờl phan lơh” Dà Huoai la kơnhoàl sơnrờp tàm càr mut lơh geh cồng nha  broa\ lơh tơr gùm tàm làng bol nàng lơh gùng lòt tàm bòn, geh anih duh broa\ làng bol càr jàu sra\ jờng, geh bơyai lơh nàng ai bơta mờng, geh lơh ua\ tàm gùt càr. Bơta mpờl go\ ngan la tơnơ\ geh lơh gơs broa\ bơcri lơh gùng tàm bòn lơgar jat broa\ neh đơs hờ đang, mpồl đơng lam Đảng kơnhoàl jàu broa\ tus gah tề lam gùng dra\ bal, ala\ gah mpồl bơtìan geh lam sồr làng bol sền gàr, lơh niam, chồl guh gơ dờp niam bơh gùng lòt tàm bòn lơgar kung bè ala\ broa\ lơh ndai.

            Bal mờ hơ\, nàng bơtàu tơngguh pria\ geh, tơl ngui sa tàm rài kis làng bol, kơnhoàl neh geh broa\ lơh lơh pràn broa\ lơh tam gơl rơndap chi tam jat gùng di pal mờ bơta geh is bơh trồ tiah mờ drà ka\ bro. Bơh hơ\, tàm ala\ nam do, kơnhoàl Dà Huoai geh lơh ngan bơcri pria\, tam jàu bơta jak chài pa mờ lam sồr làng bol geh lơh pràn tus tam ala\ chi tam sơntìl bơkiar pa bơh sầu riêng bòn lơgar mờ sầu riêng sơntìl pa mờ ờ ua\ bơta chi tam sa plai ai geh cồng nha lơh sa jơnhua. Bơta ndai, geh bơyai lơh sơng ka sền gar chi tam bơrlu\ bal ala\ bơta chi tam ndai nàng tơngguh cồng nha geh bè tam chi rơyah dà tàm tiah mbur chi, tam ce tàm tiah mbur sầu riêng, tam điều bơrlu\ bal mờ sầu riêng…

            Mờ ala\ broa\ lơh niam do, broa\ mut lơh bơt bơtàu bòn lơgar pa bơh kơnhoàl Dà Huoai neh lơh geh ala\ cồng nha ai go\  niam ngan. Tus tu\ do, 8 tàm 8 ntum bơh kơnhoàl dê drờm geh lơh geh tơl khà bè bơt bơtàu bòn lơgar pa, 2 ntum  la Dà Oai, Hà Lâm neh lơh geh 16 tàm 18 broa\ lơh, geh lơh gơs 2 broa\  jàu gam wơl tàm lồi nam 2014, 3 ntum geh Madaguoi, Dà Tồn, Dà Mri lơh geh bơh 10 tus 12 broa\ jàu tàm 18 broa\, 3 ntum gam wơl la Dà Ploa, Đoàn Kết, Phước Lộc geh 6 tàm 18 broa\ lơh.

                                                                                                Cau mblàng K’ Brọp