Mờ gơnoar la cau tờm mut lơh broa\ lơh dà lơgar bơt bơtàu [òn lơgar pa, bulah pria\ jền lơh geh ờ ua\, mơya làng bol tàm ua\ tiah tàm kơnhoàl Krông {ông, càr Dak Lak neh ta\ pơ gồp pria\ jền nàng mut lơh “Sòl àng  gùng tàm [òn”.

            Tàm mờr 3 nhai do, broa\ lòt rê bơh làng bol tàm [òn Mghăn, ntum }\ư\ Pui, kơnhoàl Krông {ông gam ờ pal kong mờ klam jơ ngo bè lài tai tài neh geh  jrong đèng pờ àng tàm ala\ gùng gùt dar [òn bơh sa\ tờm làng bol ta\ pơ gồp pria\ nàng crap. Ồng Y Bay Mlô dùl na\ làng bol tàm [òn chờ hờp đơs: “ Lài do bol ờ niam sùm sơnờm trồ mang klam jơ ngo nàng lòt kơnhau phan bơna làng bol dê, hala geh ơm ur tam lơh tam pờng lơh tung lơtang tàm [òn, tàm nhai mìu trồ mang làng bol lòt pơrjum [òn kung kal ke ngan…Tềng đap bơta do, mpồl đơng lam đảng, Mpồl atbồ bơt bơtàu [òn lơgar pa bơh ntum neh geh broa\ lơh ai tàm ala\ [òn crap đèng pờ àng, ai bơh bơta ta\ pơ gồp làng bol dê mờ ntum geh dong kờl dùl bơnah pria\...”

            Nàng mut lơh niam broa\ lơh pa geh đơs, mpồl đơng lam Đảng mờ Gah bơtàu tơngguh [òn lơgar pa bơh [òn Mghăn neh bơyai lơh pơrjum làng bol nàng cri bơyai, ring bal broa\ lơh lơh đèng pờ àng gùng, khà pria\ ta\, cau geh ờ duh ta\, broa\ atbồ ngui pờ đèng mờ ai cau lòt sền broa\ mut lơh…Mờ broa\ lơh lơh tờm, song dơpa\ den tàng làng bol tàm [òn geh ta\ pơ gồp 45 tơlak pria\ (kờp bal tơl hìu ta\ 450 rbô), bal mờ bơta dong kờl bơh ntum la 35 tơlak pria\ neh lơh geh gùng jrong ce ồs đèng pờ àng rlau 2 rbô thơk gùng lòt tàm  dơlam [òn. Mơ kung, làng bol tàm [òn kung ring bal ta\ pah nhai 5 rbô pria\ nàng tơm pria\ đèng. Bơh tu\ geh ròt đèng pờ àng neh dong tus bơta ơm kis mờ lòt rê tàm trồ mang bươn boài rlau, bơta tung kơnhau, rềs àr gùng lòt kung geh gơmù ua\ ngan, ngan la  neh lơh dong kờl muh mat pa tus [òn làng bol tàm tiah sar lơgar ngài. Ồng Võ Chương kuang atbồ đơng lam Đảng ntum }ư\ Pui ai git: “Nàng mut lơh geh cồng nha khà sồ 4 tàm broa\ lơh dà lơgar bơt bơtàu [òn lơgar pa mờ geh mut lơh bơta bơta kờ` mùl màl bơh làng bol, mpồl đơng lam Đảng ntum neh ring bal broa\ lơh mut lơh broa\ “Pờ àng gùng [òn” tàm [òn Mghăn. Bơh tu\ lơh gơs geh ai ngui tus tu\ do,  broa\ lơh neh pơ gồp bal niam tàm broa\ sền gàr ờ do ờ da\, gàr niam ờ do ờ da\ mpồl bơtìan tàm  [òn lơgar. Bơh hơ\, geh lơh geh bơta chul chồl srơh bơh bơtàu [òn lơgar pa tàm ntum…”

            Kung la broa\ lơh “Pờ àng gùng [òn”, mơya tàm [òn 2 ntum  Hoà Phong, kơnhoàl Krông {ông geh broa\ lơh krơi is. Ồng Lê Luôn at bồ [òn 2 ai git: Tơnơ\ geh mpồl at bồ đơng lam đảng  mờ Gah bơtàu tơngguh [òn lơgar pa [òn dê lam lơh crap đèng pờ àng, làng bol tàm [òn lơh broa\ jơh nùs ngan. Bulah bè hơ\ nàng tơmù khà pria\  blơi ce đèng mờ geh kuơ tus broa\ at bồ drơng lơh broa\, 4 hìu rềp bal geh crap bal dùl bong đèng tềng jrong neh geh lài, tiah lơi  ngài ir den lơh jrong is, tơl khà pria\ lơh drờm geh tam pà tus 4 hìu, mờ ala\ hìu nha\ rbah, hìu kal ke den gơ jat mờ bơta geh, den tàng kờp jơh khà pria\ crap 20 bong đèng  rlau 700 thơt tềng gùng tờm mìng ờ hềt tus jơt tơlak pria\, kờp bal tơl hìu mìng ta\ geh 5 rbô pria\ dùl nhai nàng jàu pria\ tus gah ồs đèng.

            Ai tàm ala\ ntum: Yang Reh, Hoà Lễ jat gùng dờng 12 tàm ala\ gơl gùng lòt gan tam gùl ntum mờ gùng tờm dờng hờ ờ ua\ [òn kung geh crap git nđờ rhiang bong đèng pờ àng mờ khà pria\ bơh làng bol ta\ mờ dùl bơnah pria\ bơh pria\ ntum dong kờl. Bơh tềng hơ\, geh dong bơta bươn boài tus broa\ lòt rê kung bè ơm kis bơh làng bol trồ mang, ua\ gơl gùng gùt  dar tàm gơl gùng do lài do sùm gơlik  geh rềs àr gùng lòt, den tàm nam 2014 ờ gơlik geh rềs àr gùng lòt tai.

                                  Jat bao\ Dak Lak, ]au mblàng K’ Brọp.