VOV4.K’ho- Jat Sở Nông nghiệp mờ Phát triển nông thôn càr Dak Lak, kờp tus tu\ do, tàm ù tiah càr neh geh rlau 4.000 lồ chi tam gơtìp trồ prang. Tàm hơ\, geh pơgap 440 lồ kòi mờ 3.600 lồ kơphê, tiêu, tơrgùm uă ngan tàm ală kơnhoàl bè: Ea Súp, Krông Pách, Krông Búk, Buôn Đôn, Lak, Krông Năng, Ea H’leo.

Jơnau ờ tơl dà ngui sa gơlik geh uă ngan tàm ờ uă tiah tài bơh dà tơrlung gơtìp soat dà, tơrgùm uă ngan tàm ală kơnhoàl Ea Súp, Cư M’gar. Tu\ do, khà dà tàm ală tơnau dơng dà kung neh gơmù uă; ală tơnau dềt uă ngan neh soat dà mờ ờ geh dà (geh 59 tơnau dơng dà gơtìp soat).

Sở Nông nghiệp mờ Phát triển nông thôn sồr ală tiah pal pơn jat tai kờp sền uă bơta gơlik geh bơh trồ tơngai tàm tu\ tơngai bè tu\ do nàng geh jơnau yal di tu\; kờp sền wơl khà dà tàm ală tơnau dơng dà tàm ù tiah càr dê nàng geh gùng dà broă lơh rcang sơn dră, bơsong geh cồng nha ală bơta gơlik tài bơh trồ lơh lơh niai mờ mut lơh niam broă rcang sơn dră trồ prang dờng soat dà ai làng bol in.

Cau mblàng K’ Hạnh