VOV4.K’ho- Rơcang ai broă cĭt sơnơm vaccine sơndră mờ kòp Covid-19, drim òr (22/04), Sở Y tế càr Dak Lak neh bơyai lơh bơto mờ gàr niam ờ do ờ dă tàm boă cĭt sơnơm ai 90 nă kuang bàng lơh sơnơm tàm ală hìu sơnơm kơnhoàl, thị xã, ƀòn dờng tàm càr.

                                                Pơrjum bơsram tàp bè broă sơndră m kòp Covid-19

Tàm ơdŭ bơsram, ală cau bơsram geh bơto lơh rơndăp broă, bơyai lơh broă cĭt sơnơm vaccine sơndră mờ kòp Covid-19; jơnau tơngĭt bè sơnơm vaccine kòp Covid-19; bơto sồr ngui, rơwah lài mờ cĭt sơnơm sơndră mờ kòp Covid-19; bơto sồr tàm broă sơm sơndră, niam ờ do ờ dă cĭt sơnơm mờ sền gàr broă sơndră bơh sơnơm tơnơ̆ mờ tŭ cĭt; broă lơh ală jơnau cih, sră cĭt sơnơm điện tử.

Tŭ do, càr Dak Lak neh dờp geh 15 rơbô 700 ding sơnơm vaccine kòp Covid-19 mờ geh cĭt ai 3 mpồl cau, tàm hơ̆ geh ală cau lơh broă tàm ală hìu sơnơm, cau tus bal tàm broă rơcang sơndră mờ kòp gơtờp mờ cau ling sền gàr tiah nhàr dà lơgar, kuang àng, gah Hải quan, mpồl đơng lam ling klàng càr bơh ngai 27 nhai 4 tus ngai 07 nhai 5.

Cau mblàng Ndong Brawl