VOV4.K’ho - Jơnau tơngĭt bơh Mpồl đơng lam rơcang sơndră mờ kòp tàm kòn bơnus càr Dak Nông yal, 12 nă cau tìp rềp mờ cau kòp sồ 28474 kis tàm kơnhoàl Krông Nô neh ai gŏ cồng nha ờ gŏ mờ kòp dơ̆ sơnrờp mờ broă xét nghiệm RT-PCR.

Lài mờ hơ̆, drim ngai 11 nhai 7, càr Dak Nông neh dờp geh cau kòp Covid-19 là cau ùr sồ 28474, kis tàm kơnhoàl Krông Nô rê bơh ƀòn dờng Hồ Chí Minh. Tơnơ̆ mờ tŭ gŏ cau kòp do, gah lơh sơnơm càr Dak Nông neh lơh jăt mhar broă lùp sền, jòi, tam cah is, ai mẫu ală cau tìp rềp. Jăt cồng nha xét nghiệm RT-PCR mẫu kòp 12 nă cau tìp rềp mờ cau kòp neh ai cồng nha sền ờ gŏ mờ kòp dơ̆ sơnrờp mờ virus Sars CoV-2. Tŭ do, bơta pràn kơl dang să jan bơh ală cau do bè ờs, ờ gŏ ală bơta tơngŏ bơh kòp bè duh să, bơsiă, glar tă nhơm mờ jơh ală cau do ndrờm gam geh tam cah is tàm tiah tam cah is tơrgùm bal kơnhoàl Krông Nô dê.

Cau mblàng Ndong Brawl