VOV4.K’ho - Tus tu\ do, kờp jơh bă ù geh tam phan lơh sơnơm tàm càr Kon Tum rơlao 1 rơbô 500 lồ. Tàm hơ\ bă ù tam kơnuh sơnơm Ngọc Linh di pơgăp 630 lồ; hồng đẳng sâm mờr 400 lồ; đương quy 52 lồ mờ ờ uă bơta phan lơh sơnơm ndai.

Tàm tơngu me hơ\, lài ngan neh lơh gơs ală tiah tơnguh bơtàu ală bơta phan lơh sơnơm tòm càr dê, pơgồp bal tàm broă ai geh priă, tơnguh uă rài kis làng bol in.

Bơdìh hơ\ tai, càr neh lơh gơs 3 suơn ờng ơnàng 5 lồ nàng ròng, prăp gàr sơntìl tòm ală bơta phan lơh sơnơm càr dê bè hồng đẳng sâm, lan kim tuyến, đương quy, ngũ vị tử mờ ală bơta phan lơh sơnơm ndai di jăt mờ kơrnoăt bơh Thủ tướng Chính phủ neh k^, nàng drơng tàm broă prăp gàr sơntìl tòm, lơh sơntìl kă bro tàm ală kơnhoàl Tu Mơ Rông, Đăk Glei mờ Kon Plông.

Cau mblàng Ndong Brawl