VOV4.K’ho- Tơnơ̆ 41 ngai sơm kòp, ngai 25/6, cau kòp Covid-19 sồ 3836 tàm Dak Lak neh ai rê tàm hìu tàm bơta chờ hờp bơh hìu bơnhă mờ mpồl bác sĩ dê. Cau kòp bơtờp kòp Covid-19 sồ 3836 là F1 bơh cau kòp sồ  3052 tàm Thuận Thành, Bắc Ninh. Do là cau kòp geh tŭ tơngai sơm kòp kal ke. Tơnơ̆ tŭ mut tàm hìu sơnơm sơm kòp, cau kòp geh bơta tềl tơngŏ ờ jai tă nhơm, kal ke gơ klăc mhàm mờ pal tă nhơm mờ măy, ngui sùm kháng sinh, sơndră gơ klăc mhàm, jồr mhàm hấp thụ ...

Gah lơh sơnơm Dak Lak neh ai măy mok mờ 3 mpồl y, bác sĩ bơh hìu sơnơm dờng tiah Tây Nguyên dê tus Hìu sơnơm kòp jòr bơsiă gơlik mhàm mờ kòp klờm soh lơh ngan sơm kòp ai cau kòp do in. Hìu sơnơm Chợ Rẫy ƀòn dờng Hồ Chí Minh kung ai 3 nă kuang bàng jak chài rê dong kờl sơm kòp. Tus tŭ do, tơnơ̆ 3 dơ̆ xét nghiệm ờ bơtờp kòp sùm, cau kòp geh ai rê tàm hìu mờ pơn jat lơh jat broă kham kòp mờ sền gròi jat di mờ jơnau sồr bơh Bộ Y tế dê.

Cau mblàng K’Hạnh