VOV4.K’ho-Làng bol lơh broă sa Tây Nguyên sùm geh nùs nhơm sơr lèt gan kal ke, lơh ngan bơsong kal ke nàng brồ guh. Tềng đap bơta khà pria\ tac phan lơh gơs 2, 3 bơta chi tam tờm ngan gơmù lơyah, làng bol gam lam lơh broă lơh tam bơrlu\ bal nàng tơnguh pria\ lơh geh.

Ồng K’Ting, kòn cau M’nông, ơm tàm [òn Srêu, xã Dăk Nia, thị xã Gia Nghĩa, càr Dak Nông pà git, nam 2020 do, hìu bơnhă ồng geh bơcri pria\ nàng tam bơrlu\ mờr 50 tờm sầu riêng, 20 tờm bơ tàm suơn kơphe ơnàng 1 lồ hìu bơnhă ồng dê.

Nàng lơh broă geh cồng nha, ồng K’Ting kơp kờ` anih lơh broă geh gơnoar pal pơlam bơta chài bè tam phan niam rlau tai mờ geh broă lơh dong kờl phan bơna ngui tàm broă lơh sa suơn sre: “Pơn drờm mờ 5 nam lài den kơphe, kau su, tiêu tac gam yòm đau, den rài kis làng bol dê kung bơtàu tơnguh rlau, nam do bulah phan bơna tơl làm rlau bè ồs đèng, dà ngui sa, gùng lòt den [uơn mờ niam rlau, mơya rài kis làng bol dê kung gam siơu\ siar ngan, tàm hơ\ gam geh ta\ ua\ bơnah pria\ tă lơh, drơng ngui sa rài kis hìu bơnhă in ờ tơl.

A` kơp kờ` nam tus do, Đảng, dà lơgar sền gròi dong kờl khà pria\ bè kau su, kơphe, tiêu tac geh yòm rlau, dong kờl khà pria\ bè phơng sih nàng làng bol in ờ huan kal ke mờ hoàc huơr, ală kuang bàng pơlam lơh sa suơn sre pơn jat tai pơlam làng bol tam pa wơl, ai dilah bè do den lơh broă sa làng bol ờ tơl sa tơl ngui”.

Cau mblàng  K’Duẩn