Tơngu me bơh rơndăp broă là tơnguh bơtàu broă lơh sa suơn sre geh bơta kuơ gơguh uă, kơl jăp, đềt mềr mờ tiah kis sinh thái, pơgồp bal mờ lơh sa suơn sre lòt bal drơng broă ngui sa tàm lơgar mờ tăc mờ lơgar bơdìh.

Phan geh lơh bơh broă lơh sa suơn sre hữu cơ geh dờp gơdờp mờ bơta kờ` lơh sa suơn sre hữu cơ tàm tiah do mờ tàm dunia; ai lơgar Việt Nam gơs lơgar geh bơta ngăc ngar tàm broă lơh sa suơn sre hữu cơ ndrờm mờ ală lơgar gơguh jăk tàm dunia. Mùl màl, tus nam 2025, bă ù mpồl lơh sa suơn sre hữu cơ geh di pơgăp bơh 1,5 tus 2% khà bă ù lơh sa suơn sre; bă ù tam phan hữu cơ geh di pơgăp rơlao 1% khà bă ù tam phan mờ ală phan tam tòm bè: kòi, biăp, khoah ală bơta, tòm chi sa plai, ce, tiêu, kơnphe, điều, lơ-u.

Cau mblàng Ndong Brawl