Tàm dơ̆ lam lơh, Củ tịc Mpồl Cữ thập đỏ dà lơgar Việt Nam mò Bùi Thị Hòa yal, Ƀộ Cíñ trị neh jàu kơnòl ai ồng Võ Văn Thưởng, Ủy viên Ƀộ Cíñ trị, Củ tịc lơgar lơh Củ tịc ala mat Mpồl Cữ thập đỏ Việt Nam, tơngai lơh broă bơh nam 2022 tus nam 2027. Củ tịc lơgar pà git rơp jơh nùs tă pơgồp ai bơta bơtàu tơnguh bơh Mpồl dê in mờ srơh dong kờl kòn bơnus gùt lơgar tàm tơngai tus. Nam do, lơh ngan hòi jà tă pơgồp geh êt ngan rlau jơh 400 tơmàn đông nàng dong kờl 1 tơlak dơ̆ cau geh rài kis kal ke, tàm hơ̆ dong kờl lài cau lơh ka rƀah, kal ke mờ kơnòm dềt rƀah, kuet kơlte rơp geh dờp bơta dong kờl uă ngan bơh ală cau geh nùs nhơm niam tàm lơgar mờ bơdìh lơgar dê.

Củ tịc lơgar hòi jà ală anih lơh broă, mpồl bal, mpồl lơh sa kă bro, ală mpồl lơh broă dunia, ală cau geh nùs nhơm niam mờ ală rơnàng làng bol pơn jat tai pơgồp bal, dong kờl, lòt bal mờ Mpồl Cữ thập đỏ Việt Nam tàm broă dong kờl ngai sơlơ geh cồng nha rlau ai cau rƀah, cau geh rài kis kal ke in.