Đơs tàm dơ̆ tìp mat, Củ tịc Quôk hội ồng Vương Đình Huệ đơs niam Thàñ ủy Hồ Chí Minh neh crơng gơs Mpồl tàm yal jơnau cau jàm cíñ trị mờ cau ling jàm lài do ƀòn dờng Hồ Chí Minh, Mpồl tàm yal jơnau ờ mìng pal geh ai ală cau tàm mpồl in, mờ gam là rbàng tơrbŏ bơh Đảng, dà lơgar dê. Do là broă lơh tơrgùm , bơto bơtê bơhiàn bơh yau geh kuơ ngan, ngan ngồn mờ ală tiah dai pal đòm jat.

Mpồl tàm yal jơnau neh tơrgùm jơh ală cau jàm cíñ trị mờ cau ling jàm lài do tàm 2 dơ̆ tam lơh, bơyai lơh uă broă lơh, dơ̆ lòt còp rê wơl hờ tơngum rơyas, bal mờ hơ̆ Mpồl tàm yal jơnau neh tơn jơh uă tŭ tơngai kah yau khin cha jak chài bơh ală krơh pơn rơ jak bơh să tờm ală cau jàm cíñ trị mờ cau ling jàm lài do dê. Tơngai tus, tềng đap bơta sồr lơh bơh dà lơgar dê kung tơrgùm bơsong ală sră nggal gam wơl. Di dơ̆ do, Củ tịc Quôk hội đơs niam ngan bơta lơh ngan bơsong rlau 1 rbô sră nggal cau geh màng mờ dà lơgar gam wơl bơh Mpồl tàm yal jơnau dê.