Củ tịc Ủy ƀan Mặt trận dà lơgar Việt Nam nting bơr gờm chờ Noel tàm Bình Thuận
Thứ bảy, 09:17, 17/12/2022
Cau mblàng K'Duẩn/ VOV
Cau mblàng K'Duẩn/ VOV
VOV4.K'Ho - Drim ngai 16/12, Củ tịc Ủy ƀan Mặt trận dà lơgar Việt Nam ồng Đỗ Văn Chiến bal mờ mpồl kwang bàng neh lòt còp mờ nting bơr gờm chờ Noel tàm Toà Giám mụk mpồl jat yàng Bàp Phan Thiết, càr Bình Thuận.
Ala mat kwang đơng lam bồ Đảng, dà lơgar, ồng Đỗ Văn Chiến neh jàu guàng bơkàu, nting bơr gờm chờ Giám mụk, ală Liñ mụk mờ làng bol jat yàng Bàp wă rò dùl kàl Noel ring lơngai, chờ hờp mờ bềng lìu bơta kờñ gơboh Yàng Bàp dê. Tơngai lài, ală tă pơgồp bơh làng bol jat yàng Bàp dê tàm broă lơh jat niam ală gùng dà, broă lơh bơh Đảng, adat boh lam bơh dà lơgar dê, ală srơh bơh càr dê neh pơgồp bơnah bơt bơtàu càr Bình Thuận ngai sơlơ pas sơm, niam bơnĕ.
Ồng Đỗ Văn Chiến pin dờn tàm tơngai tus, ală cau kơ đơng yàng Bàp, cau jat yàng Bàp, làng bol jat yàng Bàp pơn jat tai gàr niam nùs nhơm tam klac bal, tus bal ală srơh tàm pơrlòng kờñ gơboh dà lơgar, kis niam lơh àng sơdah jơnau yàng, at tê bal bơt bơtàu càr Bình Thuận ngai sơlơ bơtàu tơnguh.
Viết bình luận