Pơrjum geh bơyai lơh jăt broă lơh tìp măt tơm bơr tơn mờ să tàm Anih tờm Pơrjum càr dê mờ pờ tơlik tơn bơh tàm internet tus mờ 7 anih tàm tơrbŏ kâp kơnhoàl mờ 71 anih tàm tơrbŏ kâp xã. Tus bal pơrjum geh 400 nă cau lơh broă sa pơnrơ ala măt ai rlau 60 rbô nă cau tàm mpồl cau lơh broă sa mờ rlau 400 hợp tak xã, mpồl lơh broă bal tàm càr, geh jơnau lùp tơn mờ ồng Hồ Văn Mười, Củ tịc Ủy ƀan Ñân zân càr Dăk Nông bè ală bơta gơkòl mờ jơnau dan, jơnau kơ̆p gơn bơh cau lơh broă sa dê tàm càr. Lài hơ̆, ală cau lơh broă sa, hợp tak xã tàm càr Dăk Nông neh pơyua rlau 300 jơnau lùp tus Củ tịc Ủy ƀan Ñân zân càr in, dan geh ală gùng dà broă lơh dong kờl tă bơsong kal ke ai lơh broă sa sươn sre in. Ală broă cau lơh broă sa tàm càr sền gròi tơrgùm uă bè broă dong kờl bơcri priă lơh sa; broă lơh bal, lơh broă bal lơh sa jăt ală broă.