Dăk Lăk: Bơtơl tai 600 tơlăk đơng nàng drơng gàr Satềp ai cau rơƀah in
Thứ tư, 10:56, 18/01/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Ngai òr (17/01), Mpồl đơng lam drơng Satềp Quý Mão nam 2023 càr Dăk Lăk (Mpồl đơng lam 1017) neh dan bơtơl 600 tơlăk đong nàng drơng Satềp ai ală hìu nhă geh sră dong kờl, cau rơƀah, cau gơtìp sơnơm khih tàm rài tam lơh mờ ală cau ndai tàm càr.
Jăt ồng Y Biêr Niê, Phó Ƀí thư Tỉñ ủy, Kwang atbồ Mpồl đơng lam 1017 càr Dăk Lăk yal, cồng nha sền wơl pa ngan pà gŏ, gùt càr gam rơlao 11 rơbô 300 hìu rơƀah mờ ndrờm mờ rơƀah ờ hềt geh dờp broă dong kờl Satềp bơh gơnoar atbồ ală kấp.
Geh bơta do là tài khà rơƀah, ndrờm mờ rơƀah tam gơl, den tàng khà hìu rơƀah, ndrờm mờ rơƀah tàm càr gơguh uă rơlao mờ nam lài, tàm tŭ kes priă ờ tam gơl. Nàng gàr niam ờ geh cau lơi gơtìp sơbì is hờ tơnơ̆ di tàm Satềp Quý Mão 2023, Tỉñ ủy Dăk Lăk neh ring bal tă tam pà khà priă gam tai rơlao 600 tơlăk đong ai ală kơnhoàl kal ke nàng dong kờl ală hìu rơƀah, ndrờm mờ rơƀah in. Mờ sồr ală tiah, ală sở, gah lơh broă tơnguh broă hòi jà tă priă bơh gùt mpồl bơtiàn.
Viết bình luận