Do là tơngume rơndăp broă lơh Brồ guh bơh Ủy ƀan Ñân zân thị xã Buôn Hồ dê pơgồp bal mờ Mpồl dong kờl kòn bơnus tam dră mờ bơta jơgloh rƀah mờ Anih tờm Bơtàu tơnguh mpồl bơtiàn kĭ hơ lơh broă bal tàm mho ngai 09/02. Jăt tơngume kĭ hơ, bơh tŭ do tus jơh nhai 08 nam 2024, rơndăp broă lơh rơ̆p tơrgùm dong kờl làng bol tàm 2 xã: Ea Drông mờ Cư Bao, thị xã Buôn Hồ, càr Dăk Lăk. Ală tơngume dong kờl tờm, là: tơnguh uă pràn jak lơh sa ai hìu bơnhă làng bol lơh broă sa in, ngan là cau ùr jơi bơtiàn dùl êt nă cau nàng khi in geh broă lơh broă sa kơ̆ kơl jăp; lơh niam wơl bơta pràn geh càn priă mờ ătbồ priă jền; dong kờl, sơlơ tơnguh tai bơta pràn tus tàm drà tăc blơi phan ai hìu bơnhă làng bol lơh broă sa in. Bơh hơ̆ dong kờl khi tam gơl wơl broă lơh broă sa dùl bă kơ̆ kơl jăp.