Ƀộ trưởng Ƀộ Giáo zụk mờ Đào tạo ồng Nguyễn Kim Sơn sồr: Gah bơto bơtê càr Dăk Lăk pơn jăt tai tam gơl pa jơnau kờñ, tơngume, gùng dà, broă lơh bơto bơtê, tơnguh uă bơta jak chài mpồl cau pơgru nàng lơh geh Broă bơto bơtê pe kâp nam 2018, gơhòi gơ jà bơta pràn mpồl bơtiàn lơh bal nàng mpồl bơtiàn tàm sơm băt tê bal mờ gah bơto bơtê tiah do tàm bơta kal ke tŭ do, lơh jăt mpồl bơtiàn bơsram sră nàng tơnguh uă bồ tơngoh gĭt sră làng bol dê. Tàm hơ̆, càr Dăk Lăk sền gròi rlau tai tus cau là kòn làng bol jơi bơtiàn dùl êt nă cau dê, lơh pràn bơtàu tơnguh bơto bơtê jơi bơtiàn, lơh geh bơta ring bal tàm broă bơto bơtê. Tŭ do geh uă ngan broă dong kờl bơh dà lơgar dê lời ai kòn bơh làng bol jơi bơtiàn dùl êt nă cau in lòt bơsram. Càr pal lam tơnguh uă bơta pràn jak dà yoan ai kơnòm dềt kòn làng bol jơi bơtiàn dùl êt nă cau in.