Di dơ̆ Sa tềp dà lơgar nam do, càr Dăk Lăk ngui broă lơh pà priă 500 rơbô đông dùl nă cau gơwèt mờ kwang bàng, kông cứk, viên cứk, cau neh jơh sơnam lơh broă, sền gàr dong kờl mpồl bơtiàn, mpồl ling phàu crong, cau geh màng mờ dà lơgar; pà 1 tơlak đong dùl nă cau gơwèt mờ cau kra ƀòn, kwang atbồ ƀòn, cau pơn rơ jak; pà 1 tơlak 300 rơbô đong dùl nă cau gơwèt mờ cau geh màng mờ dà lơgar pơn rơ jak. Bè phan pà, tơnguh ală phan pà gơwèt mờ ală mpồl cau bơh 500 rơbô đong dùl bơnah phan pà (ală nam lài) gơguh tus bơh 1 tus 2 tơlak đong dùl bơnah phan. Kờp jơh priă tă lòt còp mờ pà phan là rlau 76 tơmàn đong, gơguh rlau 30 tơmàn đong pơndrờm mờ nam 2022.

Ủy ƀan Mặt trận dà lơgar Việt Nam càr mờ Mpồl Cữ thập đỏ càr Dăk Lăk kung geh pà rlau 3 rơbô bơnah phan (tơl bơnah phan 500 rơbô đong) ai ală hìu bơnhă rƀah, hìu bơnhă geh rài kis kal ke tàm 11/15 kơnhoàl, thị xã, ƀòn dờng. Mìng is ală kơnhoàl Ea Sup, Krông Bông, Buôn Đôn, Lăk geh tàm pà, dong kờl pà phan sa tềp bơh gah dong kờl bơh dùl tập đoàn dờng dê....