Tàm dơ̆ pơrjum lam lơh jăt kơnòl broă nam 2023 bơh Mpồl duh broă pơgồp bal bơto yal bơto bơtê adat boh lam Dà lơgar dê geh lơh tàm mho ngai 16/03, tàm hìu duh broă Cíñ phủ dê, ală kwang bàng tàm Mpồl duh broă do neh cribơyai bè broă lơh jăt jơnau kờñ: Tus nam 2030, gĭt wă duh rơngòt Sơnoa boh lam, adat boh lam pal gơ gơs là jơnau sồr ơm kis lơh lòt tơm bơh bơr bơh jơh ală mpồl cau tàm mpồl bơtiàn dê.  Phó Thủ tướng ồng Trần Lưu Quang, Kwang ătbồ Mpồl duh broă pơgồp bal bơto yal bơto bơtê adat boh lam Dà lơgar đơng lam dơ̆ pơrjum do.

Bal mờ broă sồr pơn jăt tai lơh niam gơnoar broă bơh anih lơh broă mblàng yal jơnau dê, sơlơ lòt sền jăt sền, ală kwang bàng Mpồl duh broă Dà lơgar kung sồr Cíñ phủ ai priă jền nàng lam lơh broă lơh bơto yao bơto bơtê adat boh lam, ngan là gơwèt mờ ƀươn gơrềng, cau ờ pràn, jơi bơtiàn dùl êt nă cau, ală ƀòn tiah kơh bơnơm, tiah sar lơgar ngài, tiah geh rài kis lơh sa kal ke mờ ù tiah kwơmàng bè sền gàr dà lơgar lơngăp lơngai.