Broă jòi, tơrgùm ƀồc ntìng 8 nă cau ling chơ̆t màng geh bơh jơnau yal bơh cau ling yau Lã Mạnh Tùng, lài do là kwang bàng tus bal tam lơh Mặt trận B3 tiah tam lơh Tây Nguyên dê yal.

Tơnơ̆ tŭ tơrgùm tai jơnau yal bơh cau pròc mhàm bal cau ling chơ̆t màng dê, làng bol ală tiah mờ tàm pơndrờm wơl mờ sră nggal cau ling chơ̆t mang bơh Quân đoàn 3 dê yal, mpồl ling phàu crong ƀòn dờng Kon Tum neh lam lòt jòi ƀồc ntìng cau ling chơ̆t màng tàm ù tiah 2 sơnah ƀòn Duy Tân mờ Ngô Mây. Bulah geh jơnau yal bè 14 nă cau ling chơ̆t màng chơ̆t phi să tàm tiah do mơya tài bơh tŭ tơngai jŏ ir, ù tiah tam gơl, jat tàm ală phan lời wơl mpồl ling lòt jòi mìng đal gĭt geh ƀồc ntìng bơh 8 nă cau ling chơ̆t màng dê lơm. Tŭ do mpồl lơh broă geh gơnoar ờ hềt đal gĭt muh mat bơh tơl nă cau ling chơ̆t màng dê.