Ala măt mpồl lơh broă, ồng Nguyễn Hoà Bình jờng rơ ngan ală cồng nha mờ càr Yên Bái neh lơh geh tàm nam pa do, bal mờ uă broă jàu bè bơtàu tơnguh lơh sa- mpồl bơtiàn lơh geh mờ lơh geh uă rlau mờ broă jàu, kwơmàng là broă jàu tơrmù rƀah. Mơkung sồr càr pal kơlôi sơnơng, rề ơnàng lơh uă ală broă lơh jak, kwơmàng là ală broă lơh tơrmù rƀah geh cồng nha nàng ală hìu rƀah, hìu mờr ndrờm bè hìu rƀah rơhời geh mờ bơtàu tơnguh rài kis, pơđơl pràn is tơngộ is brồ guh klàs bơh rƀah dùl bă kơ̆ kơl jăp. Kwang ătbồ Anih Cah rña dờng ngan rlau jơh dà lơgar kung tơlik nùs nhơm pin dờn mờ bơta jơh nùs lơh ngan, gơn kơnờm bơtàu tơnguh, tàm tơngai tus, càr Yên Bái rơ̆p pơn jăt tai lơh geh ală cồng nha kwơmàng, dipal là càr bơtàu tơnguh “Tơlir, bơnĕ bơnài, bơhiàn niam chài is mờ chờ hờp” jăt jơnau kờñ geh cih tàm Kơrnoăt Pơrjum dờng Đảng ƀộ càr dơ̆ XIX neh lơh nền.