Ồng Trần Tuấn Anh mờ Mpồl lơh broă neh tus chu ñàng tàm Rùp kah kơlôi ală Cau ling khin cha jak chài chơ̆t màng tiah jơnhoa 468, gơwèt thôn Nậm Ngặt, xã Thanh Thủy, kơnhoàl Vị Xuyên; còp, pà phan ai kwang bàng, cau ling Mpồl lơh sa gah Sền gàr dà lơgar 313 in; còp, pà phan ai kwang bàng, cau ling Pôs đồng ling sền gàr tiah nhàr lơgar Mpồng tiah nhàr lơgar Dunia Thanh Thủy; jàu phan pa ai hìu bơnhă rƀah, hìu bơnhă cíñ sác; kông ñân lơh broă geh rài kis kal ke in.

Ồng Trần Tuấn Anh cih dờp ală cồng nha kwơ mang bơh Mpồl lơh sa gah sền gàr dà lơgar 313 dê, mờ kơnòl broă lơh broă hòi jà làng bol, bơt bơtàu ƀòn lơgar cíñ trị, tus bal bơtàu tơnguh lơh sa- mpồl bơtiàn pơgồp bal mờ gàr niam sền gàr dà lơgar, sền gàr lơngap lơngai tàm ală tiah lơh sa gah sền gàr Dà lơgar bơh Quân khu dê neh lơh geh uă cồng nha pơn rơ ngan, pơgồp bơnah tàm bơta bơtàu tơnguh bal bơh Dà lơgar dê