Iăt jơnau đơs bơh Kwang bàng Quốk hội tàm pơrjum dơ̆ 4, tus tŭ do, Rơndăp broă lơh Adăt giă (tam gơl) geh ai bè ring niam giă jăt gùng dà broă lơh loh làng, ndrờm bal. Broă ai tơlik loh làng ală khà măt phan kă bro ring niam giă tàm Adăt kung geh tơmù sră nggal ờ loh làng, ờ ring bal.

Rơndăp broă lơh Adăt kung neh geh ai di lah kờñ lơh niam wơl khà măt ală bơta phan kă bro ring niam giă, Cíñ phủ yal Ủy ƀan Thường vụ Quốk hội in sền, ai tơlik kơrnoăt. Bè ai geh giă, rơndăp broă lơh Adăt kung neh bơtơl geh ờ uă jơnau cih bè bơta pal jăt, cơng tàng, gùng dà broă lơh, jơnau kờñ, gơnăp gơnoar, tơngu me adăt boh lam bơh sră nggal ai giă mờ khà măt phan kă bro, broă lơh drơng ala geh Dà lơgar ai giă nàng gơtùi lơh jăt ngan ngồn, song dơ pă loh làng, sền gàr ală cau lơh broă ai giă in.