Tơngai ai jơnau pơgồp bal bơh Làng bol bè jơnau rơcang cih Adăt Ù tiah (tam gơl) sơn đờm bơh ngai 03 nhai 01 nam 2023 mờ tơn jơh tàm ngai 15 nhai 03 nam 2023. Nghị quyết ai geh, jơnau kờñ bơh broă bơyai lơh ai jơnau đơs bơh Làng bol nàng tơnguh gơnoar lơh tờm, hòi jà bơta ngăc ngar, jơh nùs, tơlik bồ tơngoh ngăc ngar, jơnau kơ̆p kờñ bơh Làng bol nàng lơh gơs jơnau rơcang cih Adăt ù tiah (tam gơl); ai geh jơnau ring bal mờ ndrờm bal bơh Làng bol gơwèt mờ gùng dà broă lơh bơh Đảng, adăt boh lam bơh Dà lơgar dê bè ù tiah. Tơnguh jơnau git wă, git lơh jăt adăt boh lam, kơnòl bơh să tờm, anih lơh broă, mpồl lơh broă tàm broă lơh gơs gùng dà, adăt boh lam bè ù tiah, di pal mờ kơrnoăt pal jăt tơnguh bơtàu lơh sa drà kă bro wèt jăt gùng dà xã hội chủ nghĩa. Broă bơyai lơh ai jơnau pơgồp bal bơh Làng bol pal geh bơyai lơh tờm, khoa họk, loh làng, ndrờm bal, mùl màl, gàr niam tơngai ai lơh, bơta niam bal mờ tềm pềr.