Yal tàm dơ̆ cribơyai pà gĭt: Tơngai bơh nam 2021- 2025, priă ai bơh broă lơh jơnau kờñ dà lơgar rơ̆p bơcri 138 rbô tơmàn đong nàng ai lài bơtàu tơnguh lơh sa- mpồl bơtiàn tiah jơi bơtiàn dùl êt nă cau mờ tiah kơh bơnơm tàm 3 rbô 434 xã bơh 51 càr dê. Mìng is, kơnhoàl ù tiah Tây Nguyên geh 521 xã, mờ 417 thôn, ƀòn kal ke ngan geh dờp kwơ. Nàng priă ngui di broă, lam lơh ală broă lơh, rơndăp broă lơh bơcri priă lơh geh cồng nha uă, cribơyai do neh lời uă tŭ jiơ tă pơgồp jơnau đơs, geh uă jơnau đơs gùt dar ală broă: lơh bè lơh ngui niam gơnoar broă bơh Mặt trận dà lơgar Việt Nam ală kâp dê tàm tŭ lơh jăt mờ jăt sền lơh jăt broă lơh jơnau kờñ dà lơgar bơtàu tơnguh lơh sa- mpồl bơtiàn tiah jơi bơtiàn dùl êt nă cau mờ tiah kơh bơnơm; tơnguh uă cồng nha jăt sền bơh làng bol dê gơwèt mờ ală broă lơh, rơndăp broă lơh bơcri priă.