Càr Bạc Liêu tŭ do geh 215 Hợp ták xã, (tàm hơ̆ geh 7 Hợp ták xã geh làng bol kòn cau dùl ết nă cau tus bal mpồl lơh broă kwang đơng lam bồ mờ atbồ), 2 Liên hiệp Hợp ták xã mờ 515 mpồl lơh broă bal. Ủy ƀan Ñân zân càr Bạc Liêu dan mờ Mpồl lơh broă Mpồl duh broă Jơi bơtiàn kòn cau bơh Quôk hội dê kơlôi sơnơng, tă pơgồp jơnau đơs mờ Quôk hội tam gơl Adat Hợp ták xã jat gùng dà lơh sir ală broă lơh dong kờl Hợp ták xã ai gơ in di pal mờ bơta geh ngan bơh tơl tơngai bơtàu tơnguh dê.

Đơs tơn jơh tàm dơ̆ lơh broă, Phó Củ tịc Mpồl duh broă Jơi bơtiàn kòn cau Quôk hội mò Trần Thị Hoa Ry sồr Ủy ƀan Ñân zân càr Bạc Liêu đơng lam ală Sở, ngàñ, anih lơh broă ờs mờng tơrgùm jơnau đơs, jơnau tă đơs pơgồp tàm jơnau rcang cih Adat hợp ták xã (tam gơl), tàm hơ̆ sền ngan tus ală broă lơh bơtàu tơnguh lơh sa mpồl bal tiah làng bol kòn cau dùl ết nă cau nàng Jơnau rcang cih Adat Hợp ták xã (tam gơl) gờñ geh lơh sir, yal mờ Quôk hội in tàm dơ̆ pơrjum tus.