Ngai chờ geh bơyai lơh mờ uă broă lơh dul hồl, bè: dơ̆ pơrlòng bơka sàl; broă lơh bơto bơtê broă lơh; ală broă nhơl bal, tìp mat lơh kwèng bal mờ cau he kờñ, jàu priă bơsram ai kơnòm bơsram sơr lèt gan kal ke bơsram jak mờ “kơnòm bơsram 3 jak”. Rlau 1 rơbô 500 nă kơnòm bơsram tàm ală Hìu bơsram kấp pe tàm ƀòn dờng Buôn Ma Thuột neh geh dơ̆ tìp mat lơh kwèng, cribơyai bal mờ gơ̆p.

“Kơnòm bơsram 3 niam” (tàm hơ̆ geh nùs nhơm niam, bơsram sră jak, să jan pràn kơl dang) là srơh tờm ngan tàm broă lơh Đoàn mờ srơh ơruh pơnu khối kấp pe dê. Bơh srơh do nàng kờñ sền gŏ, jờng rơ mờ rề ơnàng ală krơh kơnòm bơsram pơn rơ jak lơh geh sră jờng rơ “ Kơnòm bơsram 3 jak”, lơh geh bơnàng jă ai kơnòm bơsram in tus bal mờ srơh “Cau bơsram dờng 5 jak”, “Kơnòm bơsram 3 bơsram tàp” tàm ală kấp bơto bơtê uă rlau. Tàm nam do, Đoàn Dà lơgar pơgồp bal mờ ală mpồl lơh broă lam lơh Ngai chờ “Kơnòm bơsram 3 jak”, tàm 10 càr, ƀòn dờng tàm gùt lơgar.