Tơngai lơh broă pa do, Mpồl ơruh pơnu lơh broă lam lài lài do ală kấp càr Dăk Lăk dê neh lơh pràn broă lơh tài nùs nhơm cau tàm mpồl bal. Tàm 5 nam neh lam sồr tă geh rơlao 9 tơmàn 200 tơlăk đong. Bơh kes priă do neh dong kờl lơh pa mờ lơh niam wơl mờr 140 nơm hìu nùs nhơm, jào pà 171 pang sră tềm pềr, pà git nđờ rơbô pò phan ai cau tàm mpồl geh rài kis gơtìp kal ke in.

Mpồl ơruh pơnu lơh broă lam lài lài do ală tiah neh tus bal tă priă, lơh gơs kes priă nùs nhơm cau tàm mpồl bal tàm ală tiah mờ khà priă geh rơlao 4 tơmàn 300 tơlăk đong, dong kờl ai uă hìu nhă cau tàm mpồl ơruh pơnu lơh broă lam lài lài do in geh priă lơh sa, klàs mờ rơƀah kơl jăp. Tàm tơngai pa, broă lơh Mpồl dê geh pơn jăt tai tơrgùm tàm broă bơsong broă dong kờl ai ơruh pơnu lơh broă lam lài, lài do in, lơh pràn mờ tơnguh uă cồng nha broă lơh mpồl ơruh pơnu lơh broă lam lài lài do lơh sa jăk mờ broă lơh tài nùs nhơm cau tàm mpồl bal, tơl nă cau lơh geh uă broă lơh niam.