Đơs tàm Ủy ƀan Ñañ zân xã Thanh Long, kơnhoàl Văn Lãng, Phó Củ tịc lơgar mò Võ Thị Ánh Xuân cih dờp, jờng rơ uă ngan nùs nhơm tam klăc bal, sơr lèt gan kal ke bơh Đảng ƀộ, gơnoar atbồ làng bol càr Lạng Sơn dê đơs bal, kơnhoàl Văn Lãng đơs is nàng lơh geh ală cồng nha kwơ màng tàm broă bơtàu tơnguh lơh sa - mpồl bơtiàn, tơnguh uă rài kis làng bol dê.

Phó Củ tịc lơgar sồr tàm tơngai tus, tiah do pơn jat tai lơh jat bơta pràn tàm dơlam is, lơh ngan mờ tàm bơr lŭ bal mờ ală bơta pràn di pal nàng geh ală bơta bơtàu tơnguh pa tàm broă bơtàu tơnguh lơh sa- mpồl bơtiàn. Di dơ̆ do, Phó Củ tịc lơgar neh pà uă phan pà tus ală hìu bơnhă cíñ sác, hìu bơnhă rƀah, kơnòm dềt geh rài kis kal ke tàm kơnhoàl Văn Lãng mờ kwang bàng, cau ling Pôs đồng ling sền gàr tiah nhàr lơgar Na Hình, kơnhoàl Văn Lãng in. Mho dùl ngai bal, Phó Củ tịc lơgar kung tus còp, pà phan ai 200 nă kông ñân, cau lơh broă geh rài kis kal ke tàm ù tiah do dê in.