Phó Củ tịc Quôk hội ồng Trần Quang Phương nting bơr gờm chờ sa tềp tàm ƀòn dờng Đà Nẵng
Thứ tư, 06:00, 11/01/2023
Cau mblàng Lơ Mu K'Yến/VOV
Cau mblàng Lơ Mu K'Yến/VOV
VOV4.K’Ho- Drim ngai 10/01, Thượng tướng ồng Trần Quang Phương, Phó Củ tịc Quôk hội neh lòt còp, nting bơr gờm chờ sa tềp mờ tus bal Broă lơh “Bơyai lơh drà sa tềp kờñ gơboh kòn bơnus” tàm ƀòn dờng Đà Nẵng.
Bơyai lơh drà geh 40 cơldŭ ràng tăc phan, yal tơngĭt ală bơta phan kờñ pal geh jăt broă lơh dong kờl giă, “pà phan- chờ hờp sa tềp”, tàm hơ̆ geh ală cơldŭ ràng tăc phan “jero đông”. Broă lơh lời 4 rbô 900 sră blơi phan pà ală hìu làng bol ƀòn dờng Đà Nẵng in gơtìp gơrềng tài bơh trồ tiah lơh aniai tàm nam 2022. Phó Củ tịc Quôk hội ồng Trần Quang Phương jờng rơ ngan ală mpồl neh bơyai lơh broă lơh geh bơta kwơ dờng màng ngan, bơta niam chài kòn bơnus dong kờl cau rƀah, rài kis kal ke geh phan sa tềp chờ wă rò sơnam pa hờm ram wil tơl. Di tàm dơ̆ do, Phó Củ tịc Quôk hội ồng Trần Quang Phương lòt còp, nting bơr gờm chờ ală anih lơh broă, ală tiah, Thàñ ủy, Hội đồng Ñân zân, Ủy ƀan Ñân zân mờ Ủy ƀan Mặt trận dà lơgar Việt Nam ƀòn dờng Đà Nẵng.
Viết bình luận