Phó Củ tịc Quôk hội ồng Trần Thanh Mẫn nting bơr gờm chờ sa tềp tàm ƀòn dờng Cần Thơ
Thứ sáu, 11:14, 13/01/2023
Cau mblàng Lơ Mu K'Yến/VOV
Cau mblàng Lơ Mu K'Yến/VOV
VOV4.K’Ho- Ngai 12/01, Phó Củ tịc duh broă sùm Quôk hội ồng Trần Thanh Mẫn neh lòt còp, nting bơr gờm chờ sa tềp tàm sơnah ƀòn Tân An, quận Ninh Kiều, ƀòn dờng Cần Thơ.
Ồng Trần Thanh Mẫn đơs là, tŭ do tàm ù tiah ƀòn dờng Cần Thơ gam uă ngan hìu bơnhă kal ke, tài bè hơ̆ den tàng kơ̆p kờñ gơnoar ătbồ tiah do pal sền gròi rlau tai tus ală hìu bơnhă cíñ sac, hìu bơnhă rƀah, kông ñân, cau lơh broă nàng pơđơl pràn, lơh ngan klàs bơh rƀah kơ̆ kơl jăp. Mơkung lơh jăt geh cồng nha gùng dà broă lơh krơi is bơtàu tơnguh ƀòn dờng Cần Thơ nàng gơ gơs là bơta gơn kơnờm bơtàu tơnguh bơh jơh bal gùt ù tiah Tiah ring dà dờng Cửu Long dê. Di tàm dơ̆ do, Phó Củ tịc duh broă sùm Quôk hội ồng Trần Thanh Mẫn neh pà 50 bơnah phan, tơl bơnah phan kờp priă 1 tơlak 500 rbô đong ai ală hìu bơnhă cíñ sac, hìu bơnhă rƀah, kông ñân, cau lơh broă geh rài kis kal ke tàm ù tiah sơnah ƀòn Tân An, quận Ninh Kiều, ƀòn dờng Cần Thơ in.
Viết bình luận