Tàm Pôs ling sền gàr tiah nhàr dà lơgar Phước Diêm, Phó Thủ tướng pơyoa jơnau chờ gờm nam pa niam bơnĕ ngan tus ală kwang bàng, cau ling gam lơh jăt kơnòl. Phó Thủ tướng ồng Trần Lưu Quang sồr kwang bàng, cau ling pơn jăt tai lơh ngan, ngui niam rơlao tai ală cồng nha neh lơh geh; pơn jăt tai “Đềt mềr mờ làng bol, rềp mờ làng bol, gàr kơ̆ ù tiah”, sền gàr kơl jăp gơnoar tờm ù tiah, bơta lơngăp lơngai tiah nhàr dà lơgar tàm dà lềng.

Tus còp cau mè Việt Nam Khin cha jăk chài Lê Thị Hự, kis tàm xã Cà Ná, kơnhoàl Thuận Nam, Phó Thủ tướng neh còp să mờ rài kis pah ngai bơh cau Mè dê, kơ̆p kờñ cau mè sùm pràn kơl dang, bal mờ oh kòn, kòn sao wă rò satềp nam pa tơrgùm bal, gơboh gơbài. Pơn jăt mờ hơ̆, Phó Thủ tướng neh còp, pà phan satềp ai 200 nă kông ñân, cau lơh broă geh rài kis gơtìp kal ke tàm Kông ty kổ phần Káñ Đồng Việt, ƀòn dờng Phan Rang.