60 Mpồl lơh sa kă bro neh yal bè jơnau kờñ sac rơwah 4 rơbô nă cau lơh broă tàm drà do. Drà lơh broă geh rlau 60 kông ty, mpồl lơh sa kă bro tus bal, tàm hơ̆ geh 33 mpồl lơh sa kă bro tus bal sac rơwah cau lơh broă tơn mờ 30 mpồl lơh sa kă bro dờp gơnoar ai Anih tờm drơng broă lơh càr dê bơto pơlam, yal tơngĭt mờ jơnau kờñ sac rơwah rlau 4 rơbô nă cau lơh broă.

Ală cau lơh broă tơnơ̆ tŭ neh geh sac rơwah rơ̆p lơh broă tàm ală tiah lơh sa mờ măi mok, kông ty, mpồl lơh sa kă bro tàm ù tiah càr mờ ală càr tiah đah Jum Dà lơgar dê, mờ priă nhai bơh 7 tơlak tus 20 tơlak đong dùl nhai. Kung tàm drà lơh broă do, bàr pe mpồl lơh broă sac rơwah cau lơh broă lòt lơh broă tàm lơgar Nhờk, Hàn Quôk mờ kơnòm bơsram lòt bơsram tàm lơgar Đức mờ khà kờñ sac rơwah 1 rơbô 500 nă cau.