Đơs tàm dơ̆ pơrjum, Thủ tướng Cíñ phủ ồng Phạm Minh Chính pà git, lam lơh jat Nghị quyết pơrjum dờng dơ̆ 13 bơh Đảng dê, ală Nghị quyết bơh Đảng, Quôk hội, Cíñ phủ dê neh tơrgùm uă ngan rlau jơh lam lơh 3 bơta tam gơl pràn kuơmàng, tàm hơ̆ geh bơta tam gơl pràn bè lơh sir mpồl lơh broă. Tàm nam 2022, Cíñ phủ bơyai lơh 9 dơ̆ pơrjum mờ uă dơ̆ pơrjum Thường trựk Cíñ phủ bè tơngume lơh adat boh lam.

Mut tàm nam 2023, do là pơrjum dơ̆ 2 bơh Cíñ phủ dê nàng lơh adat boh lam, lơh sir mpồl lơh broă, tă bơsong kòl yan, lơh gơlik bơnàng jă adat boh lam ai bơtàu tơnguh in. Thủ tướng sồr jơh gùt Cíñ phủ mờ tơl nă kwang bàng tàm Cíñ phủ pal pơn jat tai pơn đơl pràn dờng rlau, lơh ngan uă rlau, lơh broă jơh nùs, kràñ cê mờ bồ tơngoh tam gơl pràn, lơh adat boh lam ờ mìng gàr tŭ tơngai hơ pơrgon mờ gam pal gàr cồng nha tai.