Tus bal mờ đơs tàm broă lơh, Thường trựk Ƀan Ƀí thư ồng Võ Văn Thưởng đơs loh, ală nam do, Đảng, Dà lơgar he sùm sền gròi, geh uă gùng dà, broă lơh, hòi jà bơta tus bal jơh nùs bơh ală kâp, ală gah broă lơh mờ jơh gùt mpồl bơtiàn dê sền gròi ai làng bol in, ngan là làng bol kòn cau tiah sar lơgar ngài, tiah nhàr dà lơgar, bồt dà lềng.

Tàm broă lơh hơ̆ geh bơta tă pơgồp dờng màng ngan bơh Mpồl ling sền gàr tiah nhàr dà lơgar dê. Kuơmàng, Mpồl ling sền gàr tiah nhàr dà lơgar gùt lơgar neh dờp lơh kòn ròng mờ ròng siam mờr 3 rbô nă kơnòm bơsram tiah nhàr dà lơgar, bồt dà lềng. Broă lơh “Sơnam pa sền gàr tiah nhàr dà lơgar ram nùs làng bol tàm ƀòn” sa tềp Quý Mão 2023 neh lam lơh jat ngan ngồn gùng dà, broă lơh bơh Đảng, Dà lơgar dê bè tơn jơh jơgloh tơrmù rƀah; lam lơh jat ngan ngồn srơh “Gùt lơgar at tê bal tài cau rƀah- Ờ lời cau lơi gơtìp lời wơl hờ ngkời” bơh Cíñ phủ lam lơh.