Tơnguh uă cồng nha broă dong kờl làng bol kòn cau geh tìp mờ jơnau tơngit
Thứ tư, 08:00, 28/12/2022
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Tàm Hà Nội pa bơyai lơh Pơrjum bơto pơlam mblàng yal broă lơh jăt jơnau kờñ dà lơgar tơnguh bơtàu lơh sa mpồl bơtiàn tiah làng bol kòn cau, tiah kơh bơnơm, tơngai bơh nam 2021 tus 2025.
Tàm pơrjum, ồng Nguyễn Ngọc Hải, Phó kwang atbồ Vụ Kế hoạc – Tài cíñ, Ƀộ Thông tin mờ Truyền thông neh yal bè broă dong kờl tơmù rơƀah bè jơnau tơngit tơngai bơh nam 2016 tus 2020 mờ bơh nam 2021 tus 2025; geh ờ uă broă lơh, rơndăp broă dong kờl làng bol kòn cau mờ tiah kơh bơnơm geh tìp jơnau tơngit tơngai bơh nam 2021 tus 2025.
Jăt mờ hơ̆, sồr bal gơwèt mờ broă yal tơngit, yal mblàng bè broă tơmù rơƀah uă bơta gơwèt mờ ală anih lơh broă sră ƀăo, yal mblàng là phan tơngit, mblàng yal tơl, di tŭ bè broă tơmù rơƀah uă bơta; tơnguh uă jơnau wă, kơnòl bơh ală kấp, gah lơh broă bal mờ gùt mpồl bơtiàn tàm broă lơh jăt ală jơnau kờñ, kơnòl tơmù rơƀah mờ broă hòi jà bơta pràn tă pơgồp bal ai broă tơmù rơƀah kơl jăp in.
Viết bình luận