Jat hơ̆, broă bơyai lơh ai jơnau đơs làng bol bè jơnau rơcang cih Adat ù tiah (tam gơl) pal geh lơh ring bal jơnau đơs, jak chài, loh làng, song dơpă; gàr niam tŭ tơngai hơ pơrgon, bơta niam. Bơh hơ̆, tơrgùm wil tơl, di ngan, song dơpă ală jơnau đơs tă pơgồp bơh làng bol dê nàng yal di tŭ tus Cíñ phủ mờ ală anih lơh broă geh gơ rềng. Broă rơndap lơh đơs loh, ală tơngume tờm jat tơl mpồl cau ai jơnau đơs.

Mpồl cau ală rơnàng làng bol, Ủy ƀan Mặt trận dà lơgar Việt Nam ală kâp, ală mpồl lơh broă geh jơng, ală cau jak chài, cau kơlôi sơnơng, ală Mpồl duh broă pơlam broă bơh Mặt trận dà lơgar Việt Nam dê tus bal lơh sir ală tơngume, ală sèng, bơta bơh jơnau rơcang cih adat boh lam dê. Gơ jat tàm bơta geh ngan mờ bơta pràn ngan ngồn, tơl mpồl cau tơrgùm ai jơnau đơs tă pơgồp jrô rlau tàm 2, 3 tơngume ngan ngồn. Tơngai ai jơnau đơs làng bol bè jơnau rơcang cih Adat ù tiah (tam gơl) tus jơh ngai 15/3/2023.