Tàm pang sră yal Rơndăp broă cih Adăt Hìu ơm (tam gơl) pơyoa tus Ủy ƀan Thường vụ Quốk hội, Cíñ phủ đơs tờm pal bơtơl jơnau cih mùl màl broă ai geh, tơn jơh gơnoar ngui hìu ơm bal tàm bơta hìu ơm bal ờ gam tơl bơta niam lơngăp lơngai ai cau ngui in.

Geh uă jơnau đơs là, kơrnoăt bè tơngai ngui hìu ơm bal geh gơlik geh ală broă pal geh sền nền nòn, bè: nùs nhơm drà kă bro ờ kờñ blơi hìu ơm bal, lơh gơrềng uă ngan tus mờ drà kă bro hìu ơm. Lài mờ hơ̆, Adăt Hìu ơm nam 2014 neh ai tơngŏ loh làng bè tơngai hìu ơm bal tŭ jơh tơngai ngui mờ ờ gam tơl bơta lơngăp lơngai den pal sờr, lơh niam wơl, lơh pa. Mơya, tơngai do broă sờr tă hìu, lơh niam wơl, lơh wơl hìu ơm bal tàm ală tiah, tàm hơ̆ uă ngan là tàm ƀòn dờng Hà Nội mờ ƀòn dờng Hồ Chí Minh lơyài ngan, tìp uă ngan kal ke.