Do là pang sră nàng kờñ dong cau sền sră tàm dơlam mờ bơdìh lơgar in gĭt wă loh mờ wil tơl bè gùng dà broă lơh pin dờn jăt yàng, rài kis pin dờn jăt yàng tàm Việt Nam. Đơs tàm dơ̆ tơlik măt Sră Kò “Pin dờn jăt yàng mờ gùng dà broă lơh pin dờn jăt yàng tàm Việt Nam”, ồng Nguyễn Tiến Trọng, Phó Kwang ătbồ Ƀan lơh broă Pin dờn jăt yàng bơh Cíñ phủ dê pà gĭt, pang sră yal tơngĭt jơnau tờm bè pin dờn jăt yàng, gùng dà broă lơh pin dờn jăt yàng, cồng nha ai tơl gơnoar khăt gơboh pin dờn, jăt yàng tàm Việt Nam in kung bè bơta lòng kờñ pal sơrlèt gan mờ ală kơnòl broă ai lơh lài nàng kờñ chồl tơnguh gơnoar khăt gơboh pin dờn, jăt yàng bơh làng bol dê; ală jơnau ai bơh adat boh lam dê bè broă lơh pin dờn jăt yàng tàm sră nggal adat boh lam gam geh ngui tŭ do; cồng nha lơh geh, bơta lòng mờ bơta ai lơh lài bơh Việt Nam dê tàm broă ai tơl gơnoar khăt gơboh pin dờn, jăt yàng. Bơnah yal tơngĭt tơngume sră yal tơngĭt bàr pe rùp hin bè pin dờn jăt yàng, rài kis pin dờn jăt yàng tàm Việt Nam...