Tàm broa\ lơh ngan dong ala\ bòn làng bol kòn cau geh tai bơta nàng  bơtàu tơngguh lơh broa\ sa mpồl bơtìan, càr Dak Lak neh dờp lơh oh mi đah ala\ mpồl lơh  broa\ mờ ala\ làng bol kòn cau. Tàm kơnhoàl Ea H’Leo, càr Dak Lak, geh 53 bòn làng bol. Tàm 10 nam do (2004-2014), kơna\ Đảng, gơnoar at bồ tàm bòn lơgar dùl ba\ pràn ngan, bơh sơnrờp neh cèng geh wơl cồng nha pal geh pơnjờng ngan, pơ gồp bơnah tơngguh niam raà kis làng bol kòn cau tiah do dê.

            Mut lơh broa\ lơh dờp oh mi tàm 10 nam do,  tàm kơnhoàl Ea H’ Leo neh geh 66 anih lơh broa\, mpồl bal, mpồl lơh sa ka\ bro bơh càr mờ kơnhoàl dờp broa\ lơh oh mi mờ 53 bòn làng bol kòn  cau tàm kơnhoàl. Ala\ anih lơh broa\, mpồl dờp oh mi neh sùm geh lơh bal mờ bòn lơgar mblàng pơlam, lam sồr làng bol tàm ala\ bòn làng bol kòn cau mut lơh niam gùng dà broa\ lơh bơh Đảng, adat boh lam bơh Dà lơgar, geh jơnau đơs mờ mpồl đơng lam đảng, gơnoar at bồ bòn lơgar tàm broa\ bơsong geh ala\ bơta gơbàn kal ke gơlik geh tàm bòn lơgar, ala\ jơnau tam lah tam ring, tam phà tàm  làng bol is, lam sồr làng bol tus bal nhap nhar tàm ala\ srơh broa\ lơh pơr lòng kờ` gơboh dà lơgar, lơh ngan rcang ngac, lơh ngan ba` lơh jat jơnau chul chồl bơh bol ờ niam mờ ala\ cau  pơrlơ\ dra\, dra\ wơl dà lơgar. Tàm ala\ tu\ bơta ngap lơngai gùng dra\ bal geh gơbàn kal ke, ala\ ngai sa tềp, ngai chờ dờng, ala\ anih lơh broa\, gah lơh broa\ di kơnhoàl neh ai rlau 6 rbô dơ\ cau kuang tus hờ bòn dờp oh mi tus lùp còp, git bơta gơbàn geh, bơyai lơh 1.068 bùi lam làng bol mờ mờr 62.060 dơ\ na\ cau tus bal nàng geh mblàng pơlam, lam sồr làng bol geh sền gàr ngap lơngai, ờ do ờ da\ bòn lơgar, geh lơh lài kơryan bơta lơh tung lơtang bòn lơgar, bơsong geh ala\ dơ\ yal ya\ gal cau, cau do gan nhàr lơgar tìs adat boh lam.

            Mờ bơta nùs nhơm đềt mềr mờ geh kơnòl mờ ala\ bòn geh dờp oh mi, ala\ anih lơh broa\, mpồl bal neh mut lơh ua\ ngan broa\ lơh nền nòn, ngan ngồn kờ` dong kờl, dong bal làng bol tàm bòn lơh sa jơh jơgloh, gơmù rbah. Nền nòn bè, ala\ anih lơh broa\, mpồl geh pơlam làng bol geh ngui bơta jak chài pa tàm broa\ lơh sa, tam gơl chi tam, phan ròng, bơyai lơh kham sơm kòp mờ phàt sơnơm ờ sa pria\ tus làng bol mờ bòn he dờp oh mi, ta\ pơ gồp, mờ tơr gùm geh khà pria\ dong làng bol bơtàu tơngguh lơh sa. Bơh nam 2004 tus tu\ do,  ala\ anih lơh broa\ dà lơgar, mpồl neh dong kờl 53 bòn dờp oh mi mờ phan bơna kờp pria\ tus 3 tơmàn 100 tơlak pria\ nàng lơh niam wơl gùng lòt, mpồng gờm, lơh niam wơl hìu, bơcri phơng tuh, sơntìl chi tam, pà phan di ala\ ngai chờ dờng, sa tềp. Ala\ broa\ lơh ngan ngồn do neh pơ gồp bơtàu tơngguh rài kis, tơmù ua\ ngan khà hìu nha\ rbah la cau kòn cau tàm kơnhoàl bơh 1.471 hìu nam 2004 gơmù gam 1.049 hìu tàm nam 2014.

            Bal mờ hơ\, ala\ anih lơh broa\ dà lơgar, mpồl bal, mpồl lơh sa ka\ bro dờp oh mi neh geh ua\  broa\ lơh ngan tàm broa\ dong kờl ala\ bòn làng bol kòn cau bơt bơtàu rài kis ngac ngar jak chài tàm mpồl bơtìan, bè dong kờl ala\ phan ngui pờ tơlik jơnau đơs-sơndio rùp tus hìu chài rgơi bòn, lơh geh ơdu\ bơsram mơ giao, lơh hìu ja\ brê tơl kloh, tus bal ala\ broa\ lơh sền gàr tiah kis, tam tìp,  đơs crih tam ya, tàp pràn sa\ ja` mờ bòn dờp oh mi, pà sra\ mai\ sra\ cih ai tus ala\ kơnòm dềt di ngai dunia kơnòm dềt 1-6, sa tềp Trung thu, mut nam bơsram pa…Ala\ anih lơh broa\ dà lơgar, mpồl bal neh nhap nhar lam sồr làng bol mut lơh niam pơrgon bòn, sền gàr mờ chồl guh bơhìan niam chài jơi bơtìan, sang ala\ bơhìan ờ niam ờ diơng, bơr ngơl gơ la, pin dờ` bu ba, bơt bơtàu rài kis ngac ngac jak chài pa. Ala\ anih lơh broa\ dà lơgar, mpồl bal kung geh lơh bal mờ mpồl đơng lam đảng, gơnoar at bồ bòn lơgar lơh ngan lơh niam jơh, lơh niam ròt gùng dra\ bal tàm ala\ bòn. Cồng nha, geh tus tu\ do 53 tàm 53 bòn geh mpồl lơh broa\ đảng di Đảng bòn lơgar, tơmut pa 149 na\ cau geh đảng, lơh niam, crơng gơs pa 1.067 mpồl đơng lam at bồ đảng tàm mpồl bơtìan  tàm ala\ bòn, tơmut pa 5.667 cau tàm mpồl la cau kòn cau.

            Pơnjat tai geh mut lơh bơtàu tơngguh cồng nha broa\ lơh dờp oh mi tàm ala\ bòn làng bol kòn cau gam geh sền la dùl broa\ lơh tờm dờng ngan bơh kơnhoàl Ea H’Leo tàm tơngai tus. Bal mờ broa\ lơh niam, lơh niam wơl ala\ bơta gam ờ hềt lơh gơs, bơta gam gơ lời tàm broa\ lơh dờp oh mi tàm tơngai lài, kơnhoàl Ea H’Leo pơnjat lam sồr ala\ anih lơh broa\ dà lơgar, mpồl dờp oh mi dong kờl khà pria\, phan bơna dong ala\ bòn ua\ ngan kal ke tàm broa\ sang sơbì jơgloh tơmù rbah kơljap, lơh pràn broa\ lơh mblàng pơlam, bơtàu tơngguh git wa\ bơh ala\ anih lơh broa\ dà lơgar, ngan la mờ cau  lơh broa\ sa pria\ nhai dà lơgar bè broa\ lơh dờp oh mi, sền do la broa\ tờm dờng ngan, jo\ jòng pơ gồp lơh pràn bơtàu tơngguh lơh sa-mpồl bơtìan, sền gàr ngap lơngai gùng dra\ bal, ờ do ờ da\ mpồl bơtìan tàm kơnhoàl.