VOV4.K’ho- Hội đồng Ñân dân càr Dăk Lăk pa ring bal Kơrnoăt tam gơl, bơtơl bàr pe bơta bơh Kơrnoăt sồ 78 nam 2012 dê bè broă lơh dong kờl rwas hìu deh kòn mờ tơrmù bơta tàm gơjrañ đah rwas mờ cau, bơtơl broă dong kờl bơta kuơ bal ai rwas in. Jăt Kơrnoăt pa geh tam gơl, Dăk Lăk geh dong kờl 500 rbô đong ai dùl nă cau geh rwas me in tàm dùl ngai mờ 600 rbô đong ai cau geh rwas dam in tàm dùl ngai tàm tơngai 30 ngai bàr nơm rwas lơh bơyô.

Dăk Lăk tam gơl broă lơh nhơl chờ bơh đì rwas tus broă lơh nhơl chờ rềp mềl mờ rwas

Dilah rwas me geh bun, cau tờm rwas pơn jăt tai geh dong kờl 300 rbô đong dùl ngai tàm 10 nhai geh bun, 600 rbô đong tàm dùl ngai bơh nhai 11 geh bun tus nhai dơ̆ 6 tơnơ̆ tŭ rwas deh kòn. Mờ cau pơđàu rwas me, càr dong kờl 200 rbô đong dùl ngai tàm tơngai jŏ ngan là 29 nhai...Nàng kờñ tơrmù ƀà bơta tàm gơjrañ đah rwas mờ cau tàm càr Dăk Lăk, ală tiah sùm geh rwas brê tus geh crơng gơs ală mpồl sền gàr, tơl mpồl ờ uă rlau ir 10 nă cau nàng jăt sền broă lòt rê bơh rwas dê, lam ting bơtrơh rwas lơh aniai phan tam.

Cau mblàng Lơ Mu K’Yến