VOV4.K’ho- Mho ngai 04/5, Mpồl đơng lam rcang sơndră kòp Covid-19 kơnhoàl Cư M’gar, càr Dak Lak neh geh công điện mhar pơyoa ală mpồl lơh broă geh gơrềng yal bè 1 nă cau geh bơta tềl tơngŏ kòp Covid-19. Jat công điện yal, pơgap tàm 1 jiơ mho ngai 04/5, Hìu sơnơm thị trấn Ea Pốk, kơnhoàl Cư M’gar geh dờp 1 nă cau tus yal mờ gah lơh sơnơm rê bơh ƀòn dờng Đà Nẵng. Cau do geh bơta dịch tễ mờ geh bơta tềl tơngŏ kòp Covid-19 bè bơsiă, duh să, gơ hòr dà muh...

Tơnơ̆ tŭ dờp  jơnau yal, cau do neh geh ai mẫu pơyoa Viện Vệ sinh dịch tễ Tây Nguyên  nàng xét nghiệm mờ ơm kơ̆p cồng nha xét nghiệm. Tŭ do, cau do neh geh ai ơm yah ngài tàm khoa bơtờp kòp bơh Hìu sơnơm kơnhoàl Cư M’gar dê. Tơnơ̆ tŭ geh dờp jơnau yal bè cau pin bơtờp kòp, ală mpồl lơh broă geh gơnoar neh tus ƀồm dà sơnơm lơh kloh khuẩn tàm Hìu sơnơm thị trấn Ea Pốk, hìu ơm rơlô Tứ Qúy, hìu rơndeh Toàn Thông mờ ai ơm yah ngài tàm hìu ală cau ơm rềp mờ cau pin bơtờp kòp pa yal do.

Cau mblàng K’ Hạnh