Làng bol kòn cau Mông ntrờn ơm kis bơh tiah đah tô dà lơgar mut tàm càr Dak Lak lơh sa pa. Bulah rài kis gam ua\ kal ke, mơya làng bol kung gam lơh ngan bal mờ gơnoar at bồ tàm bòn lơgar lơh hìu bơsram, jun oh kòn tus hìu bơsram. Jơnau bòn lơgar pa ngai do geh yal bè broa\ lơh ngan do bơh làng bol cau Mông tàm ntum }ư\ Pui, kơnhoàl Krông {ông, càr Dak Lak.

            Lào Mí Và nam do rơp 20 sơnam, neh geh bau, mơya gam ơm bal mờ mè bèp nàng geh dong hìu nha\ ròng 6 na\ oh gam tàm sơnam lòt bơsram sra\. La cau bi dờng, tài bơh rài kis ua\ ngan kal ke, Lào Mí Và neh pal sang bơsram gùl gùng, lơh broa\ bòl glar nàng jòi sa, den tàng bi neh ờ kờ` ala\ oh ờ geh bơsram bè bi. Bulah rài kis hìu nha\ gam ua\ ngan kal ke, mơya Lào Mí Và gam lơh ngan drơng tus 6 na\ oh gam lòt bơsram sra\:“Lòt bơsram sra\ den la broa\ kờ` ngan. Tài hìu nha\ kal ke, den tàng a` pal lơh ngan lơh broa\ kờ` ròng siam ala\ oh lòt bơsram jơh ơdu\ 12, kung kơp kờ` tơnơ\ do ala\ oh geh broa\ lơh nàng ờ di pal lơh broa\ jơng tê mờ ờ bòl glar”.

            Lào Mí Chờ la kòn dơ\ 3 tàm hìu nha\, nam do neh guh ơdu\ 8. Pah ngai oh neh  pal lòt  rlau 8 kơi sồ gùng lòt nàng tus hìu bơsram. Ala\ nhai mìu nhàc, gùng bơ\ ù bo\ mbè, lòt rê den kal ke ngan, gơya oh gam sùm lòt bơsram ờ dil. Mut tàm nam bơsram pa, geh bi klau blơi geh dùl nơm rơndeh coh nàng lòt bơsram, Lào Mí Chờ bè geh ai tai bơta pràn:“Oh lơh ngan bơsram nàng lơh geh cồng nha bơsram jơnhua. Rcang mut tàm nam bơsram pa den mè bèp geh blơi ào mpha pa. Lòt bơsram gùng ngài bòl glar mơya  oh gam lơh ngan”.

            Lo\ Vàng Thị Làu tàm ntum }ư\ Pui, kơnhoàl Krông {ông ai git: Hìu nha\ lo\ bulah pal lòt jòi sa pah ngai, ùr bơklau lòt lơh ơpah jòi sa, mơya gam lơh ngan ai 4 na\ kòn geh lòt bơsram. Nam bơsram pa do,  Ma Thìn Sơ mờ Ma Thị Ly guh ơdu\ 4, Ma Thị Lan bơsram ơdu\ 3, Ma Mí Sự bơsram ơdu\ 2. Kơnờm geh broa\ dong kờl bơh dà lơgar phàt sra\ mai\ sra\ cih mờ phan ngui bơsram tus oh kòn làng bol kòn cau, den tàng hìu nha\ geh dong dùl bơnah. Lo\ Vàng Thị Làu đơs:“Nam bơsram  pa tus den he lòt drà, blơi zep. Blơi ào mpha pa ai ala\ kòn in lòt bơsram. Jơh ala\ do jơh pria\ rlau 1 tơlak, lòt lơh ơpah nàng geh pria\ blơi ào mpha pa oh kòn in”.

            Tài bơh tiah ơnàng,  làng bol gal, den tàng bòn Ea Uol, ntum }ư\ Pui geh rơndap 2 anih ơdu\ bơh sơnrờp nàng làng bol ai oh kòn geh lòt bơsram tus ơdu\ bươn boài. Tàm hơ\, dùl anih pa geh dùl mpồl lơh sa ka\ bro bòn dờng Hồ Chí Minh dong kờl lơh pa, anih gam wơl neh gơbàn ờ niam, mơya  bual ờ hềt geh lơh pa den làng bol geh ta\ pơ gồp nàng geh lơh  niam wơl. Ồng Sính Chứ Chơ at bồ bòn Ea Uôl ai git:“Rbah den rbah ngan, mơya tàm do hìu lơi kung pal geh ta\ pơ gồp, di 2, 30 rbô mơ nàng geh pria\ blơi sơlo tìp pa tềng ơdu\ bơh sơnrờp do, nàng  geh ơdu\ ala\ sau geh lòt bơsram”.

            Nam bơsram pa neh tus, sơrlèt ua\ bơta kal ke bơh rài kis ù tiah pa, làng bol kòn cau Mông kis tàm tiah sar lơgar ngài bơh ntum }ư\ Pui, kơnhoàl Krông {ông, càr Dak Lak sùm geh lam sồr, pơn jờng oh kòn geh lòt bơsram, mờ bơta kơp kờ` ala\ oh geh bơsram sra\ nàng lik klàs jơ gloh rbah.

                                                                        Cau mblàng K’ Brọp