.

Dak Nuê, 1 ntum tiah sar  lơgar ngài kơnhòal Lak, càr Dak Lak dê, bơta lơh sa mpồl bơtiàn gam uă kal ke, den tàm do kung gam gơlik geh 1 bơta ờ di, hơ\ là ờ mìng jơngkah, mờ gam ờ tơl cơldu\ bơsram. Den tàng geh bơta cơldu\ bơsram hìu bơsram kai 1 dê den săng gời, ai hìu bơsram kai 2 den neh nđờ nam kung ờ geh priă nàng lơh, pal lòt jồm cơldu\ bơsram

            Nam 2012, broa\ lơh geh gàr khà niam  bơto bơsram tàm hìu bơsram bơh Gah bơto bơtê mờ bơsram dà lơgar dà lơgar geh Anih pria\ jền dunia dong kờl neh lơh geh 4 cơdu\ bơsram tàm bòn Yên Thành 1, ntum Dak Nuê, dùl anih hìu bơsram di hìu bơsram  kai I Lý Tự Trọng mờ broa\ lơh bơto bơtê ai geh ơdu\ bơsram tus kơnòm bơsram tiah sar lơgar ngài geh bơta nàng bơsram niam rlau. Mơya, rlau 2 nam do,  4 ơdu\  bơsram do gam ờ hềt dùl dơ\ lơi geh ai ngui di mờ bơta lơh gơ. Ồng Nguyễn Phúc Hoà at bồ bòn Yên Thành 1, ntum Dak Nuê ai git:“Lơh gơs gơ den làng bol  ưn ngài ngan mơya jơh lơh gơs gơ den hơ\ sồng sang. Hìu bơsram tờm  ngài bơh hìu bơsram do mìng di 500-600 thơt. Cau geh tus ngan tàm anih hìu bơsram tờm lơm, ai anih hìu bơsram do den lời gơ tềng hơ\, kơnờm mpồl atbồ bòn at bồ neh 2 nam bloh. Pria\ lơh gơ  den di pal lơh tềng anih ndai  di wơl tài anih ndai gam ờ tơl rlau mờ he”.

            Tài anih hìu bơsram rah rài rềp ngan mờ hìu bơsram tờm den tàng làng bol drờm ai oh kòn geh lòt bơsram tềng hìu bơsram tờm. Anih duh broa\ làng bol ntum neh 2, 3 dơ\ sồr jàu ơdu\ bơsram do ai hìu bơsram  ơdu\ bơh sơnrờp Hoa Cúc in lơh anih sơne\ nàng ala\ sau in geh lòt bơsram rềp rlau mơya cau at bồ hìu bơsram kai I Lý Tự Trọng kờ` lời wơl kơp tus tu\ lơi kơnòm bơsram gal rlau den tus ngui. Ồng Nguyễn Đình Ngọc kuang jat jơng atbồ anih duh broa\ làng bol ntum Dak Nuê, kơnhoàl Lak, càr Dak Lak ai git:“Bơta do bol a` neh sồr jàu wơl tus hìu bơsram ơdu\ bơh sơnrờp Hoa Cúc nàng hìu bơsram do lơh ơdu\ ai bơsram tus ala\ sau mơ giáo lơi mờ hìu ròng siam sền gàr kòn dềt, mơya tu\ do cơldu\ lơh broa\ bto bơtê mờ bơsram kơnhoàl kung ờ ai mờ lời sùm tus hìu bơsram kai I Lý Tự Trọng atbồ, bè hơ\ lơh gơbàn hoàc hươr ngan. 4 cơldu\ bơsra, tu\ do bol a` lời at bồ bòn sền gròi, jồm lơh anih nàng pơrjum bòn tài bòn ờ hềt hìu chài rgơi mpồl bơtìan bòn”.

            Tàm tu\ hơ\,  kung tàm ntum Dak Nuê, hìu bơsram kai II Nguyễn Du geh cah is bơh hìu bơsram kai I Lý Tự Trọng bơh nam 2005 tus tu\ do gam ờ hềt geh lơh hìu bơsram pa mờ pal jồm cơldu\ bơh hìu bơsram ơm ngai 3 ntum Dak Nuê-Krông Nô-Dak Phơi nàng jồm bơsram. Mơya, anih jồm ing do gơ ơm tềng gah ba\ ù tơnhàu lu\, sap ntas mền geh bal mờ gơ mprơm geh lơh  cau pơgru mờ kơnòm bơsram Nguyễn Du tàm nđờ nam do pal bơto mờ bơsram tàm bơta ờ suk ngan ngòt kơlik hìu bơh ờ ua\ ơdu\ bơsram neh gơbàn dàng. Anih duh broa\ làng bol ntum Dak Nuê kung geh ai dùl ba\ ù ơnàng di 1 sào  nàng lơh hìu bơsram mơya bơdĩh mờ khà pria\ 300 tơlak pria\ nàng cò ù bơh nam 2008 den tus tu\ do ờ geh khà pria\ lơi tai. Broa\ lơh bơto bơsram bơh hìu bơsram do bơh hơ\ mờ gơbàn kal ke ngan. Ồng Lê Hữu Cường at bồ hìu bơsram kai II Nguyễn Du đơs:“Bơh nam 2008 tus tu\ do, neh đờ dơ\ bol a` dan bơcri lơh hìu bơsram mờ ờ geh. Tài mùl màl den kơnhoàl ờ tơl geh pria\ mờ càr den ờ ai pria\. Den tàng bol a` pal đơs la lơh ngan pal kong tài broa\ lơh bơh cơldu\ bơto bơtê mờ bơsram kơnhoàl ai tơlik la, bol a` kờ` lơh geh hìu bơsram tơl khà den lài jơh la pal tơl phan bơna, kòn bơnus hơ\ sồng pờ ơdu\, khà niam bè lơi den bol a` gơ lơh bè tơl jơh mơya ai phan bơna hìu bơsram, blàng nhơl, ù ơnàng bè do den ờ gơtùi lơh broa\”.

            Bơh bơta mùl màl tàm  ntum Dak Phơi, kơnhoàl Lak, càr Dak Lak ai go\,  broa\ bơcri nàng lơh gơs phan bơna hìu bơsram mờ ờ sền nền nòn neh lơh gơbàn bơta hoàc hươr mờ ờ niam rlau tai la bal dùl ntum den dùl hìu bơsram pal jồm anih nàng bơto bơsram ai hìu bơsram ndai den cơldu\ bơsram den til mpồng lời gời. Gah bơto bơtê mờ bơsram càr Dak Lak tu\ bơcri lơh ala\ hìu bơsram bè do kung pal kờp tus cồng nha geh ngui hơ\ sồng di?

                                                                                          Cau mblàng K’ Brọp