VOV4.K’ho- Mho ngai 26/5 ồng Nay Phi La, Kuang atbồ Sở Y tế càr Dak Lak pà gĭt, cau kòp Covid-19 sồ 3836 gam sơm kòp jơh nùs ngan tàm Hìu sơnơm kòp jòr bơsiă  gơlik mhàm mờ Kòp klờm soh să jan càr Dak Lak neh rơ hời pràn wơl. Ală thông số, khà sồ niam, cau kòp neh ơm broă jồr mhàm, tơrmù sơnơm lơngai bồ tơngoh. Ngai do 27/5, cau kòp do geh ờ ngui măy tă nhơm tai mờ kờp dŭ tàm 2 ngai tus geh ai tă nhơm is. Cau kòp Covid-19 sồ 3836 geh Bộ Y tế yal nền tàm ngai 15/5/2021.

Dak Lak neh bơtơ tai 3 nơm măy tă nhơm dong kờl hìu sơnơm kòp jòr bơsiă gơlik mhàm mờ kòp klờm soh

Tơnơ̆ 8 ngai sơm kòp tàm Hìu sơnơm Kòp jòr bơsiă gơlik mhàm mờ Kòp klờm soh càr Dak Lak, cau kòp geh bơta aniai kơn jơ̆, geh tơngŏ ờ jai tă nhơm, ờ niam mờ gơ klăc mhàm. Cau kòp pal tă nhơm mờ măy, ngui sùm sơnơm kháng sinh. Tềng đap bơta gơlik geh bơh cau kòp dê, gah lơh sơnơm càr Dak Lak neh ai măy mok mờ 3 nă y, bác sĩ bơh hìu sơnơm dờng tiah Tây Nguyên dê tus Hìu sơnơm Kòp jòr bơsiă gơlik mhàm mờ Kòp klờm soh tus nàng lơh ngan sơm kòp.

Cau mblàng K’Hạnh